10.05.2024 | 01:47
Որքան մարդ է մասնակցել հանրահավաքին. ԻՔՄ-ի հաշվարկը
Ֆրանսիան ՌԴ-ին կխնդրի Ուկրաինայում հրադադար հաստատել Օլիմպիական խաղերի ժամանակ. Մակրոն
Քաղաքականություն
17.03.2024 | 12:45
Ֆրանսիան Ռուսաստանին կխնդրի Ուկրաինայում հրադադար հաստատել Փարիզի Օլիմպիական խաղերի ժամանակ։ Այս մասին հայտարարել է Ֆրանսիայի նախագահ Էմանուել Մակրոնը․ գրում է Reuters-ը։
«Սա խաղաղության ուղերձ է, մենք կհետևենք նաև Օլիմպիական կոմիտեի որոշմանը»,- հավելել է Ֆրանսիայի նախագահը։
Միջազգային օլիմպիական կոմիտեն դատապարտել է «Ուկրաինայի դեմ Ռուսաստանի համակողմանի պատերազմը»։ Այնուամենայնիվ, թույլ է տվել ռուս և բելառուս մարզիկներին մասնակցել Օլիմպիական խաղերին, որոնք տեղի կունենան այս տարի Փարիզում։ Որոշում, որը Ուկրաինան խիստ քննադատության է ենթարկել։
2023 թվականի հունվարին Ուկրաինայի արտաքին գործերի նախարար Դմիտրի Կուլեբան հայտարարեց, որ Միջազգային օլիմպիական կոմիտեն «ոտնահարում է հազարավոր անմեղ մարդկանց շիրիմները»՝ թույլ տալով ռուս մարզիկներին մասնակցել օլիմպիական խաղերին «չեզոք» կարգավիճակով։
Ավելի վաղ Էստոնիայի, Լատվիայի և Լիտվայի արտաքին գործերի նախարարները համատեղ հայտարարություն էին տարածել, որում «խորը մտահոգություն» էին հայտնում Միջազգային օլիմպիական կոմիտեի՝ 2024 թվականի Փարիզի Օլիմպիական խաղերին ռուս և բելառուս մարզիկներին թույլ տալու «չեզոք» դրոշի ներքո հանդես գալու առաջարկի կապակցությամբ:
