15.12.2025 | 16:00
Մթնոլորտային օդում փոշու սահմանային թույլատրելի կոնցենտրացիան գերազանցվել է Կենտրոնում, Արաբկիրում, Շենգավիթում և Նոր Նորքում
Բելգորոդը կրկին հրթիռակոծվել է. ընտրատեղամասերից մեկում քվեարկությունը ստիպված են եղել ընդհատել
Քաղաքականություն
15.03.2024 | 15:26
ՌԴ Բելգորոդի հրետակոծության հետևանքով երկու մարդ վիրավորվել է, հայտնել է նահանգապետ Վյաչեսլավ Գլադկովը։ Մինչ այս, ՌԴ պաշտպանության նախարարությունը հայտնել էր Բելգորոդի շրջանում RM-70 Vampire բազմակի արձակման հրթիռային համակարգի (նման «Գրադ»-ին) յոթ արկերի խոցման մասին, գրում է Current Time-ը։
Նշվում է, որ գնդակոծությունից հետո 14 բազմաբնակարան շենքերի 33 բնակարաններում և հինգ առանձնատներում հայտնաբերվել են տարբեր վնասներ։ Դպրոցի մարզադաշտի տարածքում վնասվել են վազքուղիները, իսկ բուն դպրոցի շենքում կոտրվել է երկու ապակի։ Վնասված մեքենաների թվի մասին տեղեկությունները ճշտվում են։
Ավելի վաղ Telegram ալիքները հայտնել էին, որ քաղաքի փողոցներից մեկում ավտոմեքենա է այրվում։
ՌԻԱ Նովոստիին էլ գրում է, որ հրթիռային սպառնալիքի պատճառով Բելգորոդի ընտրատեղամասերից մեկում քվեարկության եկած մարդիկ ստիպված թաքնվել են։ Մոտ 15 րոպե անց հրթիռային սպառնալիքը չեղարկվել է, քվեարկությունը շարունակվել է։
