12.08.2026 | 10:00
ԱԺ-ն մշտական հանձնաժողովների նախագահներ է ընտրում․ ՈՒՂԻՂ
ԱՄՆ-ը նվազեցրել է 2025թ․ Ադրբեջանում նախագծերի ֆինանսավորմանը հատկացվող գումարը
Քաղաքականություն
14.03.2024 | 20:26
ԱՄՆ նախագահ Ջո Բայդենի վարչակազմը ներկայացրել է իր արտաքին քաղաքականության առաջնահերթությունները, որոնք լրագրողներին է ներկայացրել Պետքարտուղարության պաշտոնյան։
«ԱՄՆ կառավարությունը համագործակցում է Ադրբեջանի հետ մի շարք առանցքային ոլորտներում, որոնք առաջնահերթ են երկու երկրների համար»,- ադրբեջանական Թուրան գործակալության Վաշինգտոնի թղթակցին ասել է պետքարտուղարի տեղակալ Ռիչ Վերման։
Նա նշել է, որ 2025 ֆինանսական տարվա համար Ադրբեջանին ուղղված դիմումը ներառում է աջակցություն տնտեսական աճին և առևտրի ընդլայնմանը, անգլերեն լեզվի ուսուցման հնարավորություններին, քաղաքացիական հասարակությանն ու անկախ լրատվամիջոցներին, ինչպես նաև իրավապաշտպան կազմակերպություններին և տարածաշրջանում երկխոսությանն ու վստահությանը խթանելու միջոցառումներին։
Վարչակազմը շուրջ 12,5 մլն դոլարի երկկողմանի օգնություն է խնդրել Ադրբեջանի համար, ինչը 2 մլն դոլարով պակաս է նախորդ տարվա համեմատ։ Դա պայմանավորված է նրանով, որ ներառված չեն միջուկային զենքի չտարածման, ահաբեկչության դեմ պայքարի և ականազերծման ծրագրերը:
Լրատվամիջոցի հարցին՝ ֆինանսավորման նվազումն արդյո՞ք կապված է 907 փոփոխության հետ, Վերման հստակ պատասխան չի տվել։ Միաժամանակ, նա հաստատել է, որ 907-րդ ուղղման սահմանափակումները մնում են ուժի մեջ։
