07.12.2025 | 15:56
Մերցը Նեթանյահուի հետ է հանդիպել
Կառավարությունը 6,9 մլրդ դրամ է հատկացրել Հայաստանի ճանապարհների վիճակի բարելավման նպատակով
Տնտեսություն
14.03.2024 | 14:35
Կառավարությունն ընդունել է որոշում՝ «Ճանապարհային ցանցի բարելավում» ծրագրի «Պետական նշանակության ավտոճանապարհների հիմնանորոգում» միջոցառման կատարումն ապահովելու նպատակով. տեղեկացնում են ՀՀ կառավարությունից։
Որոշմամբ առաջարկվում է 6,874,715,673 դրամ հատկացնել՝ ճանապարհահատվածների հիմնանորոգման, տեխնիկական և հեղինակային հսկողության ծառայությունների, ինչպես նաև ավարտված շինարարական աշխատանքների (5%-ի) վճարման համար: Հիմնանորոգվող և կառուցվող ճանապարհահատվածների ընդհանուր երկարությունը կազմում է 57,2 կմ։
Ֆինանսական միջոցներ կհատկացվեն հետևյալ աշխատանքների համար՝ Մ-9-Շինուհայր-Հալիձոր-Սատանի կամուրջ ավտոճանապարհի 19.5 կմ հատվածի հիմնանորոգում, Վանաձոր (Մ-6 հատման կետ)-Դիլիջան ավտոճանապարհի 2 կմ հատվածի հիմնանորոգում, Ենոքավան- Կարմիրգյուղ (գյուղատեղի) ավտոճանապարհի 6.3 կմ հատվածի հիմնանորոգում, Մ-6-ից դեպի Աթան ավտոճանապարհի 27.5 կմ հատվածի հիմնանորոգում, Իսահակյան- Գյումրի (Թլիկ, Անիավան, Նորաշեն, Ջրարփի, Աղին, Իսահակյան, Լուսաղբյուր, Շիրակավան, Բայանդուր) ավտոճանապարհի 29.15 կմ հատվածների հիմնանորոգում, Մ-4-ից դեպի Լեռնային Հայաստան առողջարան տանող ավտոճանապարհի 2.2 կմ հատվածի հիմնանորոգում (Դիլիջան): Գումար կհատկացվի (5%-ի վճարում) ավարտված հետևյալ աշխատանքների համար` դեպի Լորուտ 1.6 կմ հատվածի հիմնանորոգում, Շամբից Նորավան ավտոճանապարհի 8.3 կմ հատվածի անցանելիության ապահովում և ոլորանների պարամետրերի բարելավում, Մ-4-ից դեպի Ակնաղբյուր 2,85կմ հատվածի և դեպի Մատուռ տանող 0,246 կմ ճանապարհի հիմնանորոգում /ՀՀ Տավուշի մարզ/, Մ-4-ից դեպի Դիտավան ավտոճանապարհի 3.1 կմ հատվածի հիմնանորոգում:
