24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Ռուսաստանը պատրաստ է միջուկային պատերազմի․ Պուտին
Քաղաքականություն
13.03.2024 | 15:15
ՌԴ նախագահ Վլադիմիր Պուտինը նախազգուշացրել է Արևմուտքին, որ Ռուսաստանը տեխնիկապես պատրաստ է միջուկային պատերազմի, և եթե ԱՄՆ-ը զորքեր ուղարկի Ուկրաինա, դա կդիտվի որպես պատերազմի զգալի էսկալացիա, փոխանցում է The Daily Star-ը:
«Ռազմատեխնիկական տեսանկյունից մենք, իհարկե, պատրաստ ենք»,- ասել է 71-ամյա Պուտինը «Ռոսիա-1» հեռուստաընկերությանը և ՌԻԱ լրատվական գործակալությանը տված հարցազրույցում պատասխանելով հարցին՝ արդյո՞ք երկիրը պատրաստ է միջուկային պատերազմին:
Պուտինն ասել է, որ ԱՄՆ-ը հասկանում է, որ եթե ամերիկյան զորքեր տեղակայի Ուկրաինայում, Ռուսաստանն այդ քայլը կդիտարկի որպես միջամտություն:
«Միացյալ Նահանգներն ունի բավական մասնագետներ ռուս-ամերիկյան հարաբերությունների և ռազմավարական զսպման ոլորտում, հետևաբար, ես չեմ կարծում, որ այստեղ ամեն ինչ գնում է դեպի դա, բայց մենք պատրաստ ենք դրան»,- ասել է ՌԴ նախագահը։
Ուկրաինայում պատերազմն առաջացրել է Ռուսաստանի և Արևմուտքի հարաբերություններում ամենախորը ճգնաժամը 1962 թվականին Կուբայի հրթիռային ճգնաժամից ի վեր, և Պուտինը մի քանի անգամ զգուշացրել է, որ Արևմուտքը կարող է միջուկային պատերազմ հրահրել, եթե զորքեր ուղարկի Ուկրաինա կռվելու:
