16.12.2025 | 10:06
Տեղի է ունեցել պրոբացիայի և քրեակատարողական ոլորտին առնչվող հարցերի քննարկման միջգերատեսչական հանձնաժողովի անդրանիկ նիստը
Վիլնյուսում մուրճով հարձակվել են Նավալնիի համախոհ Լեոնիդ Վոլկովի վրա
Քաղաքականություն
13.03.2024 | 15:35
Վիլնյուսում մարտի 12-ի երեկոյան անհայտ անձինք մուրճով հարձակվել են բանտում մահացած ընդդիմադիր գործիչ Ալեքսեյ Նավալնիի մերձավոր գործընկերոջ՝ «Հակակոռուպցիոն հիմնադրամի» նախկին տնօրեն Լեոնիդ Վոլկովի վրա։ Հարձակումը տեղի է ունեցել նրա տան մոտ, գրում է Current Time-ը։
Նավալնիի թիմի Telegram-ալիքում հայտնվել են վիրավոր Վոլկովի լուսանկարները։ Դրանցում երևում է, որ քաղաքական գործչի գլուխը վիրավորվել է, իսկ ոտքը արյունահոսում է։
Հակակոռուպցիոն հիմնադրամի մամուլի քարտուղար Կիրա Յարմիշի խոսքով՝ անհայտ անձը կոտրել է Վոլկովի մեքենայի պատուհանը և արցունքաբեր գազ ցողել նրա աչքերին։ Դրանից հետո հարձակվողը մուրճով հարվածել է նրա գլխին։
«Ագենստվո»-ին տված մեկնաբանությունում Յարմիշը պարզաբանել է, որ Վոլկովը հարձակվողների դեմ պայքարել է «մեքենայի դռնով և ոտքերով»։
«Դրա համար նրանք հարվածներ են հասցրել՝ որտեղ պատահի», – նշել է նա:
«Հակակոռուպցիոն հիմնադրամի» տնօրեն Իվան Ժդանովն ավելի ուշ հրապարակել է քաղաքական գործչին պատգարակով շտապօգնության մեքենա տեղափոխելու լուսանկար։
