ԼՂ հայերի իրավունքների հասցեագրումը մշտապես պետք է լինի ԵՄ ուշադրության ներքո. իսպանացի պատգամավոր

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Իսպանացի պատգամավոր Ջոն Ինյարիտուի կարծիքով՝ Լեռնային Ղարաբաղից բռնի տեղահանված հայ բնակչության իրավունքների հասցեագրումը մշտապես պետք է լինի միջազգային հանրության ուշադրության ներքո, և այս ուղղությամբ անհրաժեշտ են հստակ քայլեր այնպիսի կազմակերպության կողմից, ինչպիսին Եվրոպական միությունն է։

«Արմենպրես»-ի թղթակցի հարցին ի պատասխան՝ այս մասին ընդգծել է պատգամավորը՝ հավելելով, որ չնայած ներկայումս գլոբալ այլ հակամարտությունների, որոնց վրա սևեռված է քաղաքական գործիչների և լրատվամիջոցների ուշադրությունը (Ուկրաինա, իսրայելա-պաղեստինյան- հեղ.), չպետք է անտեսվեն Լեռնային Ղարաբաղում ընդամենը վեց ամիս առաջ տեղի ունեցած ցավալի դեպքերը:

«Անմեղ քաղաքացիների ողբերգական վիճակը և տառապանքը պահանջում են անհապաղ ուշադրություն և քայլեր միջազգային հանրությունից, հատկապես այնպիսի կազմակերպություններից, ինչպիսին Եվրոպական միությունն է»,- շեշտել է նա:

Ինյարիտուի դիտարկմամբ՝ միջազգային հանրության միջամտության հրատապ անհրաժեշտություն կա՝ ապահովելու հարյուր հազարից ավելի տեղահանված արցախահայերի իրավունքներն ու անվտանգությունը, ովքեր ստիպված են եղել լքել իրենց տները՝ խուսափելով բռնությունից և հալածանքներից:

Պատգամավորը կարծիք է հայտնել, որ հայ ազգի նորագույն պատմությունը նշանավորվում է հազարամյակներ շարունակ այդ հողերում (ԼՂ-ում-հեղ.) բնակվելով, որը, սակայն, տվյալ պարագայում, Ադրբեջանի զավթողական քաղաքականության հետևանքով՝ մնաց առանց հայերի։

«Վերջին տարիներին մենք ականատեսը եղանք ադրբեջանական վարչակարգի կողմից իրականացվող էթնիկ զտումների արագ արշավի, որի նախնական փուլը ծավալվեց 2020 թվականին՝ Լեռնային Ղարաբաղի դեմ Ադրբեջանի հրահրած պատերազմի ընթացքում՝ Թուրքիայի աջակցությամբ։ Դրան հաջորդեց բռնության երկրորդ ալիքը՝ 2023 թվականի սեպտեմբերին», – նշել է պատգամավորը՝ հավելելով, որ այդ իրադարձությունները, ցավալիորեն, հանգեցրին հայ բնակչության իսպառ անհետացմանն իրենց նախնիների հայրենիքից։

«Որպես եվրոպացիներ՝ հաճախ ինքներս մեզ հռչակում ենք որպես մարդու իրավունքների պաշտպաններ: Այժմ ժամանակն է՝ ցույց տալու այս հանձնառությունը հստակ գործողություններով, այլ ոչ թե անորոշ քաղաքական հռետորաբանությամբ: Հրամայական է, որ մենք վճռական քայլեր ձեռնարկենք այս հումանիտար ճգնաժամը հաղթահարելու և մարդու իրավունքների պաշտպանության մեր սկզբունքները պահպանելու համար»,- եզրափակել է Ջոն Ինյարիտուն: