23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Թրամփն ու Բայդենը հաղթել են հանրապետականների և դեմոկրատների փրայմերիզում. նրանք առաջադրվելու են ԱՄՆ նախագահի պաշտոնում
Քաղաքականություն
13.03.2024 | 10:52
ԱՄՆ նախկին նախագահ Դոնալդ Թրամփը և Սպիտակ տան գործող ղեկավար Ջո Բայդենը հաղթել են հանրապետականների և դեմոկրատների փրայմերիզում, հայտնում են ամերիկյան լրատվամիջոցները։ Այսպիսով, նրանք շուտով պաշտոնապես կառաջադրվեն ԱՄՆ նախագահի պաշտոնում իրենց կուսակցությունների կողմից, գրում է BBC-ի ռուսական ծառայությունը։
ԱՄՆ նախագահի թեկնածու Բայդենի առաջադրումը Դեմոկրատական կուսակցությունից ձևական բնույթ էր կրում, քանի որ երկրի գործող ղեկավարը, որը որոշում է առաջադրվել երկրորդ ժամկետի համար, որպես կանոն, լուրջ մրցակցություն չի ունենում։
Հանրապետականների համար առաջադրման պայքարը բավական լուրջ էր, թեև Թրամփը քարոզարշավի հենց սկզբից ուներ հսկայական առավելություն, և նրա ամենամոտ մրցակիցը՝ ՄԱԿ-ում ԱՄՆ նախկին դեսպան Նիկի Հեյլին, գրեթե հնարավորություն չուներ հաղթելու իր թեկնածության առաջադրման համար։
Այն բանից հետո, երբ Հեյլին դուրս մնաց մրցապայքարից «սուպերերեքշաբթիի» պարտությունների պատճառով, Թրամփին ընդամենը 137 պատվիրակ էր անհրաժեշտ կուսակցության համաժողովից, որը շուտով պաշտոնապես կառաջադրի նախագահի թեկնածուին:
ABC News-ի փոխանցմամբ՝ նախկին նախագահը ստացել է անհրաժեշտ ձայները Վաշինգտոնում հաղթանակից հետո։
