07.10.2026 | 18:47
Անհրաժեշտության դեպքում խստացված հսկողություն կկիրառենք․ Ավանեսյանը՝ ՌԴ-ում ժանտախտի բռնկման մասին
ԵՄ-ն կարող է լրացուցիչ պատժամիջոցներ սահմանել Իրանի դեմ՝ ՌԴ-ին բալիստիկ հրթիռների հնարավոր մատակարարման դեպքում
Քաղաքականություն
12.03.2024 | 21:20
Եվրամիության առաջնորդները պատրաստ են նոր և նշանակալից պատժամիջոցներ ձեռնարկել Իրանի դեմ այն լուրերի ֆոնին, որ Թեհրանը կարող է բալիստիկ հրթիռներ փոխանցել Ռուսաստանին՝ Ուկրաինայի դեմ օգտագործելու համար։ Այս մասին հայտնում է Reuters-ը՝ վկայակոչելով հաջորդ շաբաթվա գագաթնաժողովի համար պատրաստված եզրակացությունների նախագիծը։
«Եվրախորհուրդը կոչ է անում երրորդ կողմերին անհապաղ դադարեցնել Ուկրաինայի դեմ Ռուսաստանի ագրեսիվ պատերազմին նյութական աջակցություն տրամադրելը»,- ասվում է նախագծում։
Վեց աղբյուրներ Reuters-ին հայտնել են, որ «Իրանը Ռուսաստանին է տրամադրել մեծ թվով հզոր «երկիր-երկիր» բալիստիկ հրթիռներ, որոնք գտնվում են ԱՄՆ պատժամիջոցների տակ՝ խորացնելով ռազմական համագործակցությունը երկու երկրների միջև»:
«Տեղեկություններն այն մասին, որ Իրանը կարող է բալիստիկ հրթիռներ և հարակից տեխնոլոգիաներ փոխանցել Ռուսաստանին՝ Ուկրաինայի դեմ օգտագործելու համար, մեծ անհանգստություն են հարուցում։ Եվրամիությունը պատրաստ է արձագանքել արագ և միջազգային գործընկերների հետ համաձայնեցված՝ ներառյալ Իրանի դեմ նոր և նշանակալի միջոցները»,- ասվում է մարտի 21-22-ին կայանալիք գագաթնաժողովի համար մշակված հայտարարության նախագծում։
