07.10.2026 | 14:45
Արմավիրի մարզում հրդեհային անվտանգության խախտումների պատճառով 4 գազաբենզալցակայան կապարակնքվել է
Ալիևն ու Տոկաևը Վարանդայում մանկական ստեղծագործական կենտրոն են բացել․ ԼՈՒՍԱՆԿԱՐՆԵՐ
Քաղաքականություն
12.03.2024 | 15:15
Ղազախստանի նախագահ Կասիմ-Ժոմարտ Տոկաևն այսօր այցելել է Վարանդա, որտեղ նրան դիմավորել է Ադրբեջանի նախագահ Իլհամ Ալիևը։ Ադրբեջանական լրատվամիջոցների հաղորդմամբ՝ այցի ընթացքում նրանք ծանոթացել են քաղաքի զարգացման գլխավոր հատակագծին, որում ներկայացված է նրա նոր տեսքը, ապագա վարչական կենտրոնի, քաղաքային պարկի և այլ կարևոր օբյեկտների էսքիզներն ու նախագծերը։
Հաղորդվել է, որ ներկայում այստեղ լայնածավալ շինարարական և վերականգնողական աշխատանքներ են ընթանում։
Բացի այդ, երկու երկրների նախագահները մասնակցել են «Կուրմանգազիի» անվան մանկական ստեղծագործական կենտրոնի բացման արարողությանը։
Նշենք, որ Ղազախստանի ներդրումներով կառուցված մանկական ստեղծագործական կենտրոնի հիմնարկեքի արարողությունը տեղի էր ունեցել 2023 թվականի մարտին։ Ծրագիրն իրականացրել է ղազախական BI Group շինարարական հոլդինգը։
Նախօրեին տեղի է ունեցել նաև երկու երկրների Բարձագույն միջպետական խորհրդի առաջին նիստը, որին արդյունքներով կողմերը տարբեր ոլորտներում համագործակցության 9 փաստաթուղթ էին ստորագրել։
Էմմա Չոբանյան
