07.10.2026 | 14:37
«Էրեբունի-Երևան 2808»-ի միջոցառումներով պայմանավորված մի շարք փողոցներ կփակվեն
ՌԴ 7 շրջաններ ԱԹՍ-ների զանգվածային հարձակման են ենթարկվել. հրդեհվել են վառելիքի գործարաններ Օրյոլում և Նիժնի Նովգորոդի մոտակայքում
Քաղաքականություն
12.03.2024 | 12:11
Երկուշաբթի լույս երեքշաբթի գիշերը Ռուսաստանի յոթ շրջանների իշխանություններ հաղորդել են անօդաչու թռչող սարքերի հարձակումների մասին: Օրյոլի և Նիժնի Նովգորոդի նահանգապետերը հաստատել են, որ անօդաչու թռչող սարքերի հարվածների հետևանքով հրդեհներ են բռնկվել այնտեղ տեղակայված վառելիքաէներգետիկ համալիրի ձեռնարկություններում, գրում է BBC-ի ռուսական ծառայությունը։
Առավոտյան ՌԴ ՊՆ-ն հայտարարել է, որ գիշերվա ընթացքում ռուսական հակաօդային պաշտպանությունը «ոչնչացրել և որսացել է» ուկրաինական «ինքնաթիռային» տեսակի 25 անօդաչու թռչող սարք։
Ռուսաստանի ռազմական գերատեսչության հաղորդագրության մեջ ասվում է, որ յոթ անօդաչու թռչող սարք է ոչնչացվել Բելգորոդի շրջանում, 11-ը՝ Կուրսկում, 2-ական՝ Մոսկվայի և Օրյոլի շրջաններում, մեկական անօդաչու թռչող սարք՝ Բրյանսկի, Լենինգրադի և Տուլայի շրջաններում։
Միաժամանակ, ռուսական ռազմական գերատեսչության հաղորդագրության մեջ չի նշվում Նիժնի Նովգորոդի մարզի նավթավերամշակման գործարանի վրա հարձակումը, ինչի մասին գրել է շրջանի նահանգապետը։
Ուկրաինան, որը նույնպես գրեթե ամեն օր ենթարկվում է ռուսական անօդաչու թռչող սարքերի հարձակումներին, դեռևս չեն մեկնաբանել ՌԴ ՊՆ հայտարարությունները։ Կիևը պաշտոնապես չի հաստատում ռուսական վառելիքի ձեռնարկությունների վրա հարձակումներին մասնակցությունը, բայց նաև չի հերքում այդ տեղեկությունները;
