Քաղաքականություն
11.03.2024 | 16:43
Ռուսաստանի հետ հարաբերությունների գծով Վրաստանի վարչապետի նոր հատուկ ներկայացուցիչ է նշանակվել Գիորգի Կաջայան։ Այս մասին հայտարարել է երկրի վարչապետ Իրակլի Կոբախիձեն, փոխանցում է Վրաստանի Առաջին ալիքը։
Զուրաբ Աբաշիձեն, որը զբաղեցնում էր այս պաշտոնը, կդառնա վարչապետի խորհրդական։ Կաջայան նախկինում աշխատել է որպես Ռուսաստանում Շվեյցարիայի դեսպանատանը կից վրացական շահերի բաժնի ղեկավար։ Վարչապետի խոսքով՝ Աբաշիձեն պաշտոնից հեռացել է իր կամքով։
«Զուրաբ Աբաշիձեն ինքն է որոշել հրաժարական տալ։ Դուք գիտեք, որ նա երկար տարիներ եղել է Ռուսաստանի հետ հարաբերությունների հարցերով վարչապետի հատուկ ներկայացուցիչը։ Նա այս գործին ծառայեց ավելի քան 10 տարի՝ մեծ հաջողությամբ։ Մենք շատ լուրջ ձեռքբերումներ ունեցանք տարբեր ոլորտներում»,- ասել է Կոբախիձեն:
