Քաղաքականություն
10.03.2024 | 12:12
«Վրացական երազանք» իշխող կուսակցության նախագահ Իրակլի Ղարիբաշվիլին Զուգդիդիում աջակիցների հետ հանդիպումից հետո լրագրողներին ասել է, որ ռազմական հակամարտության մեջ Վրաստանի ներքաշման և «երկրորդ ճակատ» բացելու ռիսկերը չեն վերացել․ հաղորդում է Վրաստանի Առաջին ալիքը։
«Լավ հիշում եք, թե ինչ իրավիճակ էր 2012թ.-ին։ Մեր երկիրն ու ժողովուրդը երբեք չեն վերադառնա այն սարսափին և աղքատությանը։ Ժողովուրդը տեսավ, թե ինչ դժբախտություն բերեց իշխանությունը, որը կրում էր օտար երկրների շահերը և դավաճանում վրաց ժողովրդի շահերը։ Երկիրը կործանվեց։ Մենք ոչ ոքի թույլ չենք տա մեկ անգամ ևս և ընդմիշտ կործանել մեր երկիրը։ Ահա թե ինչու են կարևոր այս ընտրությունները»,- հայտարարել է նա։
Ղարիբաշվիլին նշել է, որ «Վրացական երազանք»-ի հաղթանակը երկրում խաղաղության և կայունության պահպանման այլընտրանքային լուծումն է։
«Այս ընտրությունները շատ կարևոր են մեր երկրի համար։ Մենք պահպանել ենք խաղաղությունը, կայունությունը և ուժեղ, արագ տնտեսական աճը։ Սակայն ռազմական հակամարտության մեջ Վրաստանին ներքաշելու և «երկրորդ ճակատ» բացելու նախորդ և նախանցյալ տարիների ռիսկերը չեն անհետացել։ Այս խնդիրների մասին ես խոսեցի մեր ընտրողների հետ և ասացի, որ «Վրացական երազանք»-ի հաղթանակը մեր ժողովրդի միակ, անվիճելի լուծումն է՝ պահպանելու խաղաղությունը, կայունությունը և զարգացումը»,- նշել է Ղարիբաշվիլին։
