03.06.2026 | 00:40
Փաշինյանը Էրդողանի հետ քննարկել է Ախալքալաք–Կարս երկաթուղով Հայաստանից արտահանումների հարցը
ԱԹՍ-ի հարձակման պատճառով Շարմ էլ-Շեյխ-Վոլգոգրադ չվերթի ինքնաթիռն ուղղարկվել է այլընտրանքային օդանավակայան
Քաղաքականություն
08.03.2024 | 15:55
Վոլգոգրադի օդանավակայանի ներկայացուցիչ Անաստասիա Գոլոդովան հայտնել է, որ «Уральские линии» ավիաընկերության Շարմ էլ Շեյխ-Վոլգոգրադ չվերթի ինքնաթիռն ուղարկվել է Աստրախանի այլընտրանքային օդանավակայան օդային տարածքի սահմանափակումների պատճառով։ Սահմանափակումները մտցվել են Վոլգոգրադի շրջանի վրա անօդաչու թռչող սարքերի հարձակումների ֆոնին, գրում է Կոմերսանտը։ Նաև հետաձգվել են «Պոբեդա» և «Աերոֆլոտ» ավիաընկերությունների Մոսկվա-Վոլգոգրադ չվերթները։
Այսօր առավոտյան ՌԴ պաշտպանության նախարարությունը հայտարարել է տարածաշրջանում 11 անօդաչու թռչող սարքի ոչնչացման մասին։ Ավելի ուշ ռազմական գերատեսչությունը հայտնել է, որ ևս չորս անօդաչու թռչող սարք է խոցվել։ Զոհերի կամ ավերածությունների մասին տեղեկություններ չկան:
Վերջին անգամ Վոլգոգրադի մարզում անօդաչու թռչող սարքի ոչնչացման մասին հաղորդվել էր փետրվարի 3-ին։ Այդ ժամանակ անօդաչու թռչող սարքի անկման հետևանքով հրդեհ էր բռնկվել LUKOIL նավթավերամշակման գործարանում։
