10.04.2026 | 14:01
Փաշինյանն ընդունել է Էստոնիայի ԱԳ նախարարին
Հաքան Ֆիդանը Բայդենի խորհրդականի հետ քննարկել է Հայաստան-Ադրբեջան կարգավորման գործընթացը
Քաղաքականություն
08.03.2024 | 11:00
ԱՄՆ-ում այցով գտնվող Թուրքիայի ԱԳ նախարար Հաքան Ֆիդանը հանդիպել է նախագահ Ջո Բայդենի Ազգային անվտանգության հարցերով խորհրդական Ջեյք Սալիվանի հետ։ Թուրքական պետական լրատվամիջոցները, վկայակոչելով դիվանագիտական աղբյուրներին, հայտնում են, որ Հայաստան-Ադրբեջան կարգավորման գործընթացը ևս եղել է օրակարգային հարցերի թվում։ Նշվել է, որ խաղաղության գործընթացում արձանագրվելիք առաջընթացը որոշիչ նշանակություն է ունենալու Կովկասի բարգավաճման համար։
Ֆիդանը Սալիվանին ասել է, որ Գազայում պետք է է շուտափույթ հրադադար հաստատվի և տարածաշրջան մուտք գործող մարդասիրական օգնությունն ավելացվի։
Հանդիպման ընթացքում նշվել է, որ ռուս-ուկրաինական պատերազմը չպետք է ձգձգվի և պետք է լուծվի «Ուկրաինայի տարածքային ամբողջականության և քաղաքական ամբողջականության շրջանակներում»։
Ըստ հաղորդագրության՝ նշվել է «Սիրիայում ահաբեկչական կազմակերպությունների դեմ պայքարելու՝ թուրքական կողմի վճռականությունը» և շեշտվել, որ «ԱՄՆ-ը պետք է գործի դաշնակցային ոգուն համապատասխան և խզի հարաբերությունները PKK ճյուղերի հետ»։ Հաքան Ֆիդանը հանդիպել է նաև ԱՄՆ Սենատի արտաքին հարաբերությունների հանձնաժողովի նախագահ Բենջամին Քարդինի և հանձնաժողովի անդամ սենատորների հետ։
