01.05.2026 | 11:43
Եվրախորհրդարանը ցանկանում է ՀՀ-ի ընտրությունները պաշտպանել ռուսական ազդեցությունից․ DW-ի անդրադարձը
Դաշնակիցները հավաքել են Ուկրաինայի համար 800 հազար արկ գնելու գրեթե ամբողջ գումարը
Քաղաքականություն
07.03.2024 | 13:46
Ուկրաինայի դաշնակից երկրներն արդեն հավաքել են գրեթե ամբողջ գումարը, որն անհրաժեշտ է Չեխիայի նախաձեռնությամբ Ուկրաինայի համար 800 հազար արկ գնելուն, գրում է Bloomberg-ը։
Վկայակոչելով իր աղբյուրին՝ գործակալությունը պնդում է, որ արկերը կարելի է գնել երրորդ երկրներից և մի քանի շաբաթվա ընթացքում առաքել Ուկրաինա։
Փետրվարին Մյունխենի անվտանգության համաժողովում Չեխիայի նախագահ Պետր Պավելը հայտարարել էր, որ Չեխիան Եվրոպայի սահմաններից դուրս գտել է 800 հազար արկ՝ կես միլիոն 155 մմ տրամաչափի և 300 հազար՝ 122 մմ տրամաչափի, որոնք այդ երկրները պատրաստ են անմիջապես վաճառել։ Չեխիան դրամահավաք է նախաձեռնել և համակարգում է այս գործողությունը։
Բացի Չեխիայից՝ գումար տալու պատրաստակամություն են հայտնել Գերմանիան, Ֆրանսիան, Լեհաստանը, Կանադան, Նիդերլանդները, Դանիան, Լատվիան և Լիտվան։
Գործակալության տվյալներով՝ արդեն այս շաբաթ պաշտպանության նախարարները և այս նախաձեռնությանը մասնակցող օտարերկրյա պետությունները կարող են քննարկել գնումների մանրամասներն ու առաքման ժամանակացույցը։
