Քաղաքականություն
06.03.2024 | 12:15
Մարտի 6-ին ՌԴ Տիվայի Հանրապետության Շագոնար քաղաքի ՋԷԿ-ի կաթսայատանը տեղի ունեցած պայթյունի ու հրդեհի հետևանքով առնվազն 18 մարդ է տուժել։ Այս մասին հայտնել է Հանրապետության ղեկավար Վլադիսլավ Խովալիգը, գրում է Meduza-ն։
Նրա փոխանցմամբ՝ զոհեր չկան։ Սկզբում երեք մարդ անհետ կորած էր համարվում, սակայն նրանք գտնվել են։
Baza տելեգրամ-ալիքը գրում է, որ հրդեհ է բռնկվել էլեկտրակայանի կաթսայատանը, որը հանգեցրել է պայթյունի։ «112» տելեգրամ-ալիքն էլ պնդում է, որ պայթյունը տեղի է ունեցել վառելիքի մատակարարման սրահում։ Հրշեջ-փրկարարները հրդեհը տեղայնացրել են։ Լրատվամիջոցների տվյալներով՝ վնասվել է ածխի մատակարարման գոտին և շենքի պատերից մեկը։ ՋԷԿ-ում միջադեպի պատճառով Շագոնար քաղաքում, որտեղ շուրջ 12 հազար մարդ է բնակվում, դադարեցվել է ջերմամատակարարումը։
Վերջին տվյալներով՝ ՋԷԿ-ում տեղի ունեցած պայթյունի հետևանքով տուժել է 21 մարդ։ Ըստ արտակարգ ծառայությունների տվյալների՝ պայթել է ածխի փոշին։
Տեսանյութը՝ այստեղ։
