23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
ՀԱՊԿ գլխավոր քարտուղարն Աստանայում դաշինքի գործունեությանը վերաբերող հարցեր է քննարկել
Քաղաքականություն
05.03.2024 | 17:09
Հավաքական անվտանգության կազմակերպության (ՀԱՊԿ) գլխավոր քարտուղար Իմանգալի Տասմագամբետովն այսօր Աստանայում հանդիպումներ է ունեցել Ղազախստանի Անվտանգության խորհրդի քարտուղարի, պաշտպանության նախարարի հետ և քննարկել ռազմական դաշինքի գործունեությանը վերաբերող հարցեր։ Այս մասին ասվում է կազմակերպության պաշտոնական կայքում հրապարակված հաղորդագրությունում։
«Քննարկվել է հարցերի լայն շրջանակ՝ անդրադառնալով հավաքական ռազմական բաղադրիչի զարգացմանը, ինչպես նաև մարտահրավերներին ու սպառնալիքներին համատեղ հակազդեցությանը։ Կողմերը մտքեր են փոխանակել ՀԱՊԿ-ում Ղազախստանի նախագահության շրջանակում ծրագրվող առաջիկա իրադարձությունների շուրջ՝ շեշտը դնելով այս տարվա հունիսին Կազմակերպության պաշտպանության նախարարների խորհրդի և անվտանգության խորհուրդների քարտուղարների կոմիտեի նիստերի անցկացման հետ կապված հարցերի վրա»,- ասվում է հայտարարությունում։
