12.08.2026 | 12:41
Ալիևը հայտարարել է, թե Նախիջևանի հետ ցամաքային կապն Ադրբեջանի «վաղեմի երազանքն» է
Ուկրաինայի Հետախուզության գլխավոր վարչությունը հայտնել է «Սերգեյ Կոտով» ռուսական պարեկային նավի վրա հարձակման մասին
Քաղաքականություն
05.03.2024 | 13:32
«Ոչնչացվել է «Սերգեյ Կոտով» թշնամական նավը»,- այս մասին հայտարարել է Ուկրաինայի ՊՆ հետախուզության գլխավոր վարչությունը։
BBC-ի ռուսական ծառայության փոխանցմամբ՝ ռուսական կողմը չի մեկնաբանել այս հայտարարությունները։
Ըստ Ուկրաինայի ՊՆ-ի՝ մարտի 4-ի լույս 5-ի գիշերը Group 13 «հատուկ ստորաբաժանումը» գրոհել է Սևծովյան նավատորմի պարեկանավը՝ ուկրաինական ՌԾՈւ-ի հետ համագործակցությամբ և Ուկրաինայի թվային տրանսֆորմացիայի նախարարության աջակցությամբ։
Ըստ այդ տվյալների՝ Magura V5 ռազմածովային անօդաչու թռչող սարքերի հարվածի արդյունքում ռուսական 22160 նախագծի նավը՝ «Սերգեյ Կոտովը», վնասվել է հետնամասի, ինչպես նաև աջ և ձախ կողմերում։ Մամուլի հաղորդագրության համաձայն՝ հարձակումն իրականացվել է «Կերչի նեղուցից ոչ հեռու»։
Ավելի վաղ ենթադրյալ հարվածի տեսանյութը հրապարակել էին ռուսաստանցի բլոգերները։ Ղրիմի կամրջի երթևեկը գիշերը դադարեցվել է ութ ժամով։
Հիշեցնենք, որ փետրվարի 14-ին Ուկրաինայի Հետախուզության գլխավոր վարչությունը նաև հայտնել էր, որ Սևծովյան նավատորմի «Կեսար Կունիկով» խոշոր դեսանտային նավը ոչնչացվել է ուկրաինական արտադրության «Magura» անօդաչու սարքերի միջոցով։
