20.02.2026 | 22:16
Թուրքիան եվրոպացի 6 ակտիվիստների է ձերբակալել քաղբանտարկյալներին այցելելուց հետո․ նրանք կարտաքսվեն
Մատենադարանում կբացվի «Նվիրական անուններ. մատյանների տունդարձը» խորագրով ցուցադրությունը
Մշակույթ
05.03.2024 | 10:55
Մատենադարանի Ընծայաբերման սրահում կբացվի «Նվիրական անուններ. մատյանների տունդարձը» խորագրով ցուցադրությունը, որին ներկայացված են խոշոր նվիրատուների՝ Մատենադարանին երբևէ ընծայաբերած ձեռագրերի, արխիվային նյութերի և հնատիպ գրքերի բացառիկ հավաքածուներ․ տեղեկացնում են Մատենադարանից։
Ցուցադրության արժևորվում է ևս մեկ մեծարժեք մատյանի նվիրատվությամբ։
Մաշտոցյան Մատենադարանի հավաքածուն համալրվել է բարերար Վահե Բադալյանի՝ Մատենդարանին ընծայաբերած Հովհաննես երեցի ընդօրինակած ևս մեկ Ավետարանով: Ձեռագիրը գրվել է 1454թ Բաղեշի/Բիթլիսի/ նահանգի Սասունի Մոտկան գավառակի Մզուք գյուղում, որը վերջին դարերում հայ գրչության կենտրոն է եղել: Ծաղկողի անունը հայտնի չէ: Մանրանկարները պատկանում են վասպուրականյան դպրոցին: Պատվիրատուն է եղել տանուտեր Հակոբը, որն էլ այն ընծայել է Վանդիրի Ս Աստվածածին եկեղեցուն:
Այս ձեռագիրը նախորդ ընծայաբերված ձեռագրի նման հանգրվանել է Մատենադարանում պահպանվող նույն գրչի մեկ այլ Ավետարանի կողքին՝ Մզուք գյուղից պահպանված սակավաթիվ ձեռագրերից, որն ընդօրինակվել է 1452թ՝ Հովհաննես գրչի ձեռքով: Ձեռգրի պատվիրատուն եղել է Ղազար քահանան: 16-րդ դարում ձեռագիրը պահվել է Կաղգրաոմի Սուրբ Ստեփանոս եկեղեցում, ապա՝ Ամիրդոլու Սուրբ Հովհաննեսում: Հետագայում ձեռագիրը հիշատակվել է Սուրբ Հակոբ եկեղեցում, որտեղից էլ, հավանաբար, տեղափոխվել է Է.Ս Էջմիածին, ապա Մաշտոցի անվան Մատենադարան: Ծաղկողի անունը հայտնի չէ: Մանրանկարները պատկանում են վասպուրականյան դպրոցին:
