12.08.2026 | 10:13
Մեր աշակերտները արհեստական բանականության միջազգային օլիմպիադայում թիմային պայքարում 5-րդ տեղն է զբաղեցրել. ԿԳՄՍ նախարար
Կիևը չի պատրաստվում ռուսական գազի տարանցման նոր պայմանագիր ստորագրել Մոսկվայի հետ
Քաղաքականություն
04.03.2024 | 20:40
Ուկրաինան պատրաստ է երկարաձգել ռուսական գազի տարանցումը իր գազատրանսպորտային համակարգով (GTS) Եվրամիության երկրների նախաձեռնությամբ, սակայն չի երկարաձգի գործող պայմանագիրը կամ նոր պայմանագիր չի կնքի Գազպրոմի հետ։ Այս մասին հայտարարել է Ուկրաինայի վարչապետ Դենիս Շմիգալը։
«Մենք, իհարկե, չենք պատրաստվում բանակցել ագրեսոր երկրի հետ՝ երկարաձգելու տարանցման պայմանագիրը և համաձայնագիրը ստորագրելու համար։ Բայց Եվրահանձնաժողովի հիման վրա մենք բազմիցս բանակցություններ ենք վարել եվրոպացի առաջնորդների հետ։ Եթե եվրոպացիները միասնական կոնսորցիում ստեղծեն՝ հանդես գալով որպես տարանցող կողմ, մենք պատրաստ կլինենք նման ծառայություն մատուցել։ Իսկ Ռուսաստանի հետ բանակցել և նոր պայմանագիր կնքել մենք չենք պատրաստվում»,- ասել է ուկրաինական կառավարության ղեկավարը։
Միևնույն ժամանակ, Շմիգալի խոսքով, Ուկրաինայի գազատրանսպորտային համակարգը պատրաստ է գործել առանց ռուսական բնական գազի տարանցման։
Հաղորդվում է, որ ռուսական բնական գազի տարանցումը Ուկրաինայի գազատրանսպորտային համակարգով (GTS) 2023 թվականին նվազել է 28,4%-ով։
