07.10.2026 | 15:26
«Ռոսատոմը» հաստատել է՝ հայկական ԱԷԿ-ը մինչև 2031 թվականը պատրաստ կլինի անվտանգ շահագործման
Կրեմլը «ոչինչ չունի ասելու» մարդկանց «շարասյան» մասին, որոնք ցանկանում են ծաղիկներ դնել Նավալնիի գերեզմանին
Քաղաքականություն
04.03.2024 | 18:13
Կրեմլի խոսնակ Դմիտրի Պեսկովը հայտարարել է, որ «ոչինչ չունի ասելու մարդկանց շարասյան» մասին, որոնք ցանկանում են ծաղիկներ դնել բանտարկության մեջ մահացած ընդդիմադիր գործիչ Ալեքսեյ Նավալնիի գերեզմանին, գրում է BBC-ի ռուսական ծառայությունը։
«Մենք շատ բան չենք ասել այս թեմայով և այլ բան չունենք ասելու»,- լրագրողներին ասել է Պեսկովը։
ՌԴ նախագահի մամուլի քարտուղարին խնդրել են մեկնաբանել «մարդկանց շարասյունը», որը «կիլոմետրերով ձգվել է» Ալեքսեյ Նավալնիին Բորիսովյան գերեզմանատանը հրաժեշտ տալու համար։
Երեկ, երրորդ օրն անընդմեջ, մարդիկ շարունակում էին զանգվածաբար գնալ գերեզմանատուն՝ հարգելու Ալեքսեյ Նավալնիի հիշատակը։ Մինչև օրվա վերջ (գերեզմանատունը բաց է եղել Մոսկվայի ժամանակով մինչև ժամը 17:00-ն), գերեզմանի վրա այնքան ծաղիկներ են եղել, որ ամբողջովին ծածկել են խաչը։
Օտարերկրյա գործակալների ռեեստրում հայտնված «Агенство»-ն գրում է, որ մարդկանց ոչ մեծ խումբ մնացել է գերեզմանոցում անգամ դրա փակվելուց հետո։
