22.06.2026 | 01:08
ԱԱ-2026. Բելգիան ու Իրանը չպարզեցին հաղթողին. ՏԵՍԱՆՅՈՒԹ
Սանկտ Պետերբուրգում բնակելի շենքերից մեկին ԱԹՍ է բախվել․ թիրախը եղել է նավթի պահեստը
Քաղաքականություն
02.03.2024 | 11:10
Սանկտ Պետերբուրգի հյուսիս-արևելքում գտնվող Պիսկարևսկի պողոտայի հինգհարկանի բնակելի շենքում պայթյուն է տեղի ունեցել։ Fontanka տելեգրամյան ալիքին հղում անելով meduza.io-ն գրում է, որ պայթյունը տեղի է ունեցել անօդաչու թռչող սարքի բախումից։
Պայթյունի հետևանքով վնասվել է առնվազն հինգ բնակարան։
Նշվում է, որ անօդաչու թռչող սարքի հավանական թիրախը եղել է Ruchyi նավթի պահեստը, որը գտնվում է վնասված շենքից մեկ կիլոմետրից պակաս հեռավորության վրա։
Ավելի ուշ Սանկտ Պետերբուրգի նահանգապետ Ալեքսանդր Բեգլովը հայտնել է, որ «Կրասնոգվարդեյսկի շրջանում միջադեպ է տեղի ունեցել։ Զոհեր չկան։ Մասամբ վնասվել են երկու բնակարանների ապակեպատ պատշգամբները։ Տուժած բնակարանների բնակիչները տարհանվել են»։
Բեգլովը, սակայն, չի նշել անօդաչու թռչող սարքի հարձակման մասին։
