12.08.2026 | 10:13
Մեր աշակերտները արհեստական բանականության միջազգային օլիմպիադայում թիմային պայքարում 5-րդ տեղն է զբաղեցրել. ԿԳՄՍ նախարար
Նովոսիբիրսկում քաղաքական բռնաճնշումների զոհերի հուշարձանի մոտ հավաքված մարդկանց են ձերբակալել
Քաղաքականություն
01.03.2024 | 19:56
Նովոսիբիրսկում՝ Նարիմսկի զբոսայգում մի քանի մարդ է բերման ենթարկվել քաղաքական բռնաճնշումների զոհերի հուշարձանի մոտից, հայտնում է «Սիբիրսկի էքսպրես» Telegram-ալիքը։
«Սիբիրմեդիան» հայտնում է, որ բերման է ենթարկվել վեց մարդ։ Յոթ բերման ենթարկվածի մասին էլ գրում է OVD-Info-ն։
Ականատեսներից մեկն ասել է, որ բերման ենթարկվածներին ազատ են արձակել տվյալների բազաներում նրանց փաստաթղթերը ստուգելուց հետո։
Ռուսաստանի մի շարք շրջաններում Ալեքսեյ Նավալնիի հուղարկավորության օրը ոստիկանները հերթապահում են քաղաքական բռնաճնշումների զոհերի հուշարձանների մոտ, որտեղ մարդիկ ծաղիկներ ու մոմեր են բերում բանտում մահացած քաղաքական գործչի հիշատակին։
Մասնավորապես, Վլադիվոստոկում «Հավատի և հույսի» պուրակում գտնվող «Քարե մոմ» հուշահամալիրի մուտքը վերանորոգման պատրվակով փակել են։ Տոմսկում ոստիկանները հերթապահում են քաղաքական ահաբեկչության զոհերի հիշատակին նվիրված «Վշտի քար» հուշարձանի մոտ։
