01.05.2026 | 11:43
Եվրախորհրդարանը ցանկանում է ՀՀ-ի ընտրությունները պաշտպանել ռուսական ազդեցությունից․ DW-ի անդրադարձը
G20-ի ֆինանսների նախարարները համաձայնության չեն եկել՝ ինչպես կոչել պատերազմն Ուկրաինայում. ընդհանուր կոմյունիկե չի ստորագրվի
Քաղաքականություն
01.03.2024 | 12:37
G20-ի երկրների ֆինանսների նախարարները, որոնք հանդիպել են Բրազիլիայի Սան Պաուլո քաղաքում, չեն կարողացել համաձայնության գալ գագաթնաժողովից հետո կոմյունիկեի շուրջ: Պատճառը տարաձայնությունն է եղել հարցի շուրջ, թե ինչպես նկարագրել պատերազմն Ուկրաինայում և Գազայի հատվածում, հայտնում է Reuters-ը։
Ըստ գործակալության աղբյուրների՝ G7-ի երկրներն առաջարկել են խոսել այն մասին, ինչ տեղի է ունենում որպես պատերազմ «Ուկրաինայի դեմ»։ Միաժամանակ, G7 երկրներն առաջարկել են Գազայում տեղի ունեցած իրադարձությունները որակել որպես «մարդասիրական ճգնաժամ», բայց չհիշատակել Իսրայելը։
Արդյունքում որոշվել է ընդհանուր կոմյունիկե չստորագրել։ Փոխարենը Բրազիլիան, որը հյուրընկալել էր գագաթնաժողովը, դրա արդյունքներից հետո հանդես կգա հայտարարությամբ:
