13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Մարտի 15-ին դատավորների ընդհանուր ժողով կանցկացվի
Հասարակություն
28.02.2024 | 15:32
Վճռաբեկ դատարանի նախագահ Լիլիթ Թադևոսյանի հրամանով մարտի 15-ին դատավորների ընդհանուր ժողով կանցկացվի։ Այս մասին տեղեկանում ենք բարձրագույն դատական խորհրդի կայքից։
«Հայաստանի Հանրապետության Վճռաբեկ դատարանի նախագահի հրամանով 2024 թվականի մարտի 15-ին՝ ժամը 14:00-ին, հրավիրվել է Հայաստանի Հանրապետության դատավորների ընդհանուր ժողով»,- ասված է Վճռաբեկ դատարանի նախագահի փետրվարի 19-ի հրամանում։ Նշենք, որ ժողովը հրավիրվել է Դատավորների ընդհանուր ժողովի ուսումնական հարցերի հանձաժողովի անդամի ընտրության օրակարգով։
Ենթադրվում է, որ առաջիկայում դատավորների ընդհանուր ժողով կհրավիրվի նաև Բարձրագույն դատական խորհրդի դատավոր անդամի ընտրության հարցով, քանի որ ԲԴԽ դատավոր անդամ, Վերաքննիչ քրեական դատարանի դատավոր Արշակ Վարդանյանը հրաժարականի դիմում է ներկայացրել, իսկ ԲԴԽ դատավոր անդամին ընտրում են դատավորները՝ Դատավորների ընդհանուր ժողովում։
Արաքս Մամուլյան
