06.12.2025 | 23:56
Կապարակնքել են Գյումրիի Յոթ Վերք եկեղեցու դռները` Փաշինյանի այցից առաջ
«Հաղթանակն առջևում է». ֆիլմի ցուցադրություն Ուկրաինայում պատերազմի 2-րդ տարվա առթիվ. ՏԵՍԱՆՅՈՒԹ
Մշակույթ
23.02.2024 | 21:49
Փետրվարի 24-ին լրանում է Ռուսաստանի կողմից Ուկրաինայի դեմ լայնամաշտաբ պատերազմի երկրորդ տարին։ Հայաստանում Ուկրաինայի դեսպանությունն այսօր կազմակերպել էր միջոցառում` ներկայացնելու այն, ինչ շարունակում է տեղի ունենալ Ուկրաինայում։
Հայաստանի Հանրապետությունում Ուկրաինայի գործերի ժամանակավոր հավատարմատար Վալերի Լոբաչը լրագրողների հետ զրույցում ասաց, որ Ռուսաստանը պատերազմ է տանում հաղթանակի ակնկալիքով։
«Ռուսաստանը շարունակում է միջուկային շանտաժը, շարունակում է ահաբեկել Ուկրաինայի խաղաղ բնակչությանը, հրթիռներով հարվածում է կրիտիկական ենթակառուցվածքներին և բնակելի շրջաններին»,- ասաց ՀՀ-ում Ուկրաինայի գործերի ժամանակավոր հավատարմատարը։
Ուկրաինացի ռեժիսոր Վիկտոր Շտորմը ներկայացրեց իր ֆիլմը, որը պատմում է Ռուսաստանի կողմից տարվող պատերազմի հետևանքների մասին՝ մարդկային պատմություններով։
«Այս ֆիլմը 20 բնակիչների մասին է մի շենքից, ովքեր իմ հարևաններն էին։ Այս 20 բնակչի միջոցով ես ցանկացել եմ արտահայտել այն զգացմունքները, այն իրավիճակը, որում հիմա գտնվում են հազարավոր ուկրաինացիներ։ Մեր նպատակն է՝ ֆիլմերի միջոցով մարդկանց հայտնել, թե ինչ է կատարվում Ուկրաինայում այս պահին»,- նշեց ռեժիսորը։
Մանրամասները՝ տեսանյութում։
Անի Թամրազյան
