06.07.2026 | 10:48
Ավելի քան 500 ուկրաինական ԱԹՍ-ներ հարձակվել են Ղրիմի ու ՌԴ-ի շրջանների վրա․ Ղրիմում բլեքաութ է
Ադրբեջանցի բլոգերի փաստաբանը հայտնել է, որ Զեյնալին Մոսկվայում ձերբակալվել է Հայաստանի պահանջով
Քաղաքականություն
21.02.2024 | 12:23
Ադրբեջանցի բլոգեր և ֆիթնես մարզիչ Քյամիլ Զեյնալին Մոսկվայի «Դոմոդեդովո» օդանավակայանում ձերբակալվել է Հայաստանի պահանջով։ Այս մասին ադրբեջանական լրատվամիջոցների հետ զրույցում հայտնել է նրա փաստաբան Ալեքպեր Գարաևը։
Նրա խոսքով՝ Զեյնալին տեղափոխվել է Դոմոդեդովոյի ոստիկանության բաժին։
Փաստաբանը նշել է, որ Զեյնալիին մեղադրանք է առաջադրվել Հայաստանի քրեական օրենսգրքի համապատասխան հոդվածներով, սակայն չի մանրամասնել, թե ինչ հոդվածների մասին է խոսքը։
Ավելի վաղ ՌԴ-ում Ադրբեջանի դեսպան Փոլադ Բյուլբյուլօղլին նույնպես լրատվամիջոցներին ասել էր, որ բլոգերը ձերբակալվել է Հայաստանի պահանջով։ Նա նշել էր, որ դիմումը նախաձեռնվել է դեռևս 2023 թվականի մայիսին։ Հայաստանը նրա նկատմամբ մի շարք քրեական գործեր է հարուցել։
«Մոսկվայի ժամանակով մոտավորապես ժամը 3-ին ես անձամբ հեռախոսով խոսեցի Քյամիլի հետ և հայտնեցի, որ դեսպանությունն արդեն զբաղվում է իր հարցով։ Այն, որ նրան ձերբակալել են Հայաստանի խնդրանքով, չի նշանակում, որ կնստեցնեն ինքնաթիռ և անմիջապես կուղարկեն Երևան։ Այդպես չի լինում։ Այժմ մենք սպասում ենք դատարանի որոշմանը, որը քննելու է, թե որքանով է հիմնավորված հայկական կողմի խնդրանքը»,- ասել էր Ադրբեջանի դեսպանը։
