08.11.2026 | 15:18
ՌԴ հարվածներից հետո Դնեպրոպետրովսկի մարզի ավելի քան 600 հազար բնակիչ մնացել է առանց էլեկտրականության
Կիևը հարվածել է Անդրբայկալյան մոտոհրաձգայինների կազմավորմանը․ հարվածը, ենթադրաբար, տասնյակ զինվորների կյանք է խլել․ BBC
Քաղաքականություն
21.02.2024 | 12:15
Փետրվարի 20-ի կեսօրին ուկրաինացի զինվորականները, ենթադրաբար, HIMARS MLRS-ից երկու հրթիռով հարվածել են Դոնեցկի մարզի Վոլնովախա շրջանի Տրուդովսկոյե գյուղի մոտ գտնվող ուսումնավարժական բազային, BBC-ի ռուսական ծառայությանը հայտնել են իրավիճակին ծանոթ մի քանի աղբյուրներ:
Ուսումնամարզական հավաքակայանում այդ պահին գտնվել է 36-րդ գվարդիական մոտոհրաձգային բրիգադը (06705 զորամաս), որի մշտական տեղակայման վայրն Անդրբայկալյան երկրամասի Բորզյա քաղաքն է։ Հարվածի պահին այս բրիգադի 4-րդ, 5-րդ և 6-րդ վաշտի զինծառայողները շարված են եղել պոլիգոնում՝ սպասելով Արևելյան ռազմական օկրուգի 29-րդ բանակի հրամանատար, գեներալ-մայոր Օլեգ Մոիսեևի ժամանմանը։
«Հրամանատարները զինվորներին շարել էին բաց դաշտում»,- տեղի ունեցածը մեկնաբանել է ողջ մնացած զինծառայողներից մեկը իր արած տեսագրության մեջ, որը հասանելի է դարձել BBC-ին։
Ընդհանուր առմամբ, BBC-ի ռուսական ծառայության տրամադրության տակ ավելի քան 10 լուսանկար և տեսանյութ կա, որոնք արվել են հարվածից անմիջապես հետո։ Դրանցում երևում են տասնյակ մահացածներ, գրում է լրատվականը՝ նշելով, որ էթիկական նկատառումներից ելնելով՝ չի հրապարակում այդ լուսանկարները: Ընդհանուր առմամբ, տարբեր գնահատականներով, այդ թվում՝ հենց 36-րդ բրիգադի զինծառայողների, հարվածի հետևանքով կարող էր զոհվել առնվազն 60 մարդ։
Ուկրաինայի իշխանությունները չեն մեկնաբանել միջադեպը։
Նշվում է, որ Տրուդովսկոյե գյուղի մոտ գտնվող զորավարժարանի վրա հարձակումից մի քանի ժամ անց ՌԴ նախագահ Վլադիմիր Պուտինը հանդիպում է ունեցել պաշտպանության նախարար Սերգեյ Շոյգուի հետ, որի ընթացքում ռազմական գերատեսչության ղեկավարը խոսել է Ավդեևկայում և ճակատի այլ ուղղություններում ռուսական բանակի հաջողությունների մասին։
