21.06.2026 | 02:11
ԱԱ-2026. Գերմանիան կամային հաղթանակի հասավ վերջնամասում. ՏԵՍԱՆՅՈՒԹ
Ադրբեջանում, վերջին տվյալներով, քվեարկությանը մասնակցել է ընտրողների 60,54 տոկոսը
Քաղաքականություն
07.02.2024 | 17:40
Ադրբեջանում անցկացվող նախագահական ընտրություններին, ժամը 15:00-ի դրությամբ, քվեարկել է 3 միլիոն 922,187 հազար ընտրող կամ քվեարկելու իրավունք ունեցողների 60,54 տոկոսը։ Այս մասին հայտնել է Կենտրոնական ընտրական հանձնաժողովի հասարակայնության հետ կապերի վարչության ղեկավար Ֆարիդ Օրուջևը։
Նա հիշեցրել է, որ Ադրբեջանում քվեարկելու իրավունք ունի 6 մլն 478 հազար 840 ընտրող։ Քվեարկությունը տևելու է մինչև երեկոյան ժամը 19։00-ն։
Մինչ այդ, անկախ ու ընդդիմադիր լրատվամիջոցները հաղորդում են, որ ընտրություններն ուղեկցվում են զանգվածային խախտումներով։
Հավելենք, որ գործող նախագահ Իլհամ Ալիևից զա՝տ ընտրություններին մասնակցում է ևս 6 թեկնածու՝ Մեջլիսի պատգամավոր և Սոցիալական հետազոտությունների կենտրոնի խորհրդի նախագահ Զահիդ Օրուջը, պատգամավոր Ռազի Նուրուլլաևիը, մեկ այլ պատգամավոր՝ «Համայն Ադրբեջանի ժողովրդական ճակատ» կուսակցության ղեկավար Գուդրաթ Հասանգուլիևը «Մեծ արարում» կուսակցության ղեկավար և խորհրդարանի պատգամավոր Ֆազաիլ Մուստաֆան, Ադրբեջանի Լիբերալ-դեմոկրատական կուսակցության նախկին ղեկավար Ֆուադ Ալիևը, «Մեծ Ադրբեջան» կուսակցության նախագահ Էլշադ Մուսաևը։
Ադրբեջանում նախագահն ընտրվում է 7 տարի ժամկետով։
Էմմա Չոբանյան
