15.09.2026 | 19:51
«Չենք մոռանա մեր դեմ կատարված վայրագությունները»․ Ալիևը ՀՀ-ին մեղադրել է «հանցագործությունների» մեջ
Կիևում և շրջակայքում մոտ 20 հրթիռ է խոցվել․ տուժածների թիվն ավելանում է
Քաղաքականություն
07.02.2024 | 11:50
Կիևի տարածաշրջանային ռազմական վարչակազմի ղեկավար Սերգեյ Պոպկոն հայտնել է, որ Ուկրաինայի մայրաքաղաքի վրա հակաօդային պաշտպանության համակարգերին հաջողվել է խոցել մոտ երկու տասնյակ թևավոր հրթիռ, գրում է BBC-ի ռուսական ծառայությունը։
«2024 թվականին երրորդ հրթիռային հարվածն է հասվում Կիևին։ Հակառակորդը ռուսական տարածքից Տու-95ՄՍ ռազմավարական ռմբակոծիչներից արձակել է Х-101/Х-555/Х-55 թևավոր հրթիռներ։ Մայրաքաղաքում օդային հարձակման նախազգուշացումը տևել է մոտ երեք ժամ»,- ասվում է Telegram-ում հրապարակված նրա հայտարարության մեջ։
Կիևի քաղաքապետ Վիտալի Կլիչկոն հայտարարել է, որ Ուկրաինայի մայրաքաղաքում հրթիռային հարձակումից տուժածների թիվն աճում է։
«Ինը մարդ վիրավորվել է։ Գոլոսեևսկի թաղամասի բարձրահարկ շենքից արդեն վեց մարդ է հոսպիտալացվել։ Նրանց թվում է հղի կին»,- գրել է Կլիչկոն Telegram-ում։ Եվս երկու տուժած հոսպիտալացվել է Դնեպրի մարզում, իսկ մեկին բժիշկները տեղում օգնություն են ցուցաբերել։
Ավելի վաղ Կլիչկոն հայտնել էր հարձակման հետեւանքով վեց տուժածի մասին։
Ռուսաստանը դեռ չի մեկնաբանել ԱԹՍ-ներով կոմբինացված հարձակումը:
