25.11.2024 | 20:45
Ադրբեջանի թակարդն է ՀՀ-ի դեմ՝ «Արևմտյան Ադրբեջանի» թեզը հավասարեցնել Արևմտյան Հայաստանի հետ․ Արսեն Խառատյան. ՏԵՍԱՆՅՈՒԹ
Բաքուն ուզում է փակել Կարմիր խաչի Ստեփանակերտի գրասենյակը, քանի որ «այն Ղարաբաղում Արևմուտքի աչքն և ականջն է»
Քաղաքականություն
06.02.2024 | 15:00
Ադրբեջանում կրկին արշավ են սկսել Կարմիր Խաչի միջազգային կոմիտեի և նրա Ստեփանակերտի գրասենյակի դեմ։ Մասնավորապես, Ադրբեջանի իշխանամերձ APA գործակալությունը հոդված է հրապարակել Կարմիր Խաչի Ստեփանակերտի գրասենյակը փակելու անհրաժեշտության մասին՝ կազմակերպության հասցեին անհիմն մեղադրանքներ հնչեցնելով։
Ըստ հրապարակման՝ ԿԽՄԿ գործունեությունը մշտապես որոշակի կասկածներ ու հարցեր է առաջացրել, և այն կազմակերպություններից էր, որն այս ամբողջ ընթացքում հաշվի չի առել Ադրբեջանի իշխանությանը և ոտնահարելով ինքնիշխանությունը՝ գաղտնի համագործակցել է ԼՂ-ի իշխանությունների հետ։
Նշենք, որ Ադրբեջանը 2020 թվականի 44-օրյա պատերազմից հետո ակտիվ ջանքեր էր գործադրում, այդ թվում՝ ԿԽՄԿ-ն հեղինակազրկելու միջոցով, կառույցի Արցախի գրասենյակը Բաքվին ենթարկեցնելու համար, որը ենթարկվում է Ժնևի ու Երևանի գրասենյակներին։ Լրատվամիջոցը հայտնում է, որ այդ նպատակով Ադրբեջանը 2023 թվականի փետրվարին պաշտոնական նոտա է հղել ԿԽՄԿ-ին՝ պահանջելով կազմակերպության Ստեփանակերտի գրասենյակն անմիջականորեն ենթարկեցնել Բաքվի գրասենյակին և դրա համար սահմանել հատուկ ժամանակացույց։
«ԿԽՄԿ-ի գործունեությունը Ղարաբաղում հիմնված է իր սեփական իրավական գնահատականի վրա, և այս առումով կազմակերպությունը կարծում է, որ Ադրբեջանի և Հայաստանի միջև զինված հակամարտությունը դեռ ավարտված չէ։ ԿԽՄԿ-ն պետք է կապեր պահպանի նրանց հետ, որոնք արդյունավետ վերահսկողություն ունեն այն տարածքի վրա, որտեղ գործում է կազմակերպությունը: ԿԽՄԿ-ն կարող է վերանայել այս հարցը նոր իրականության մեջ, որը կարող է առաջանալ 2025 թվականից հետո»,- ասվում է Բաքվին ուղղված պատասխանում։
Լրատվամիջոցը կազմակերպությանը մեղադրում է Արցախում, իբր, Արևմուտքի համար աշխատելու և հակաադրբեջանական մեջ։
«Այն, որ ԿԽՄԿ-ն սեպտեմբերյան գործողություններից հետո գրասենյակ է պահել Խանքենդիում (Ստեփանակերտում) վկայում է նրա չարամիտ մտադրության մասին, որ նա դարձել է Ֆրանսիայի, ԱՄՆ-ի, Եվրախորհրդարանի և ԵԽԽՎ-ի հակաադրբեջանական քաղաքականության կամակատարը։ ԿԽՄԿ-ին հանձնարարվել է չփակել գրասենյակը և ասել, որ «անջատողականները» կվերադառնան Ղարաբաղ և նորից կզբաղվեն «անօրինական գործունեությամբ», և նման պայմաններում ԿԽՄԿ-ն կշարունակի «աշխատել» այնպես, ինչպես աշխատել է մինչև 2023 թվականը։ Ներկայում այդ գրասենյակը Ղարաբաղում խաղում է Արևմուտքի «աչքի և ականջի» դերը»,- գրել է լրատվամիջոցը։
Այն առաջարկել է Կարմիր Խաչը փոխարինել Ադրբեջանի Կարմիր մահիկի ընկերակցությամբ։
«Եկել է Խանքենդիի (Ստեփանակերտի) ԿԽՄԿ գրասենյակը փակելու ժամանակը։ Այն Ադրբեջանի ինքնիշխանության նկատմամբ անհարգալից վերաբերմունքի մնացուկ է»,- ասվում է APA-ի հրապարակման մեջ։
Էմմա Չոբանյան
