08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Սերգեյ Մարաբյանի ընտրությունը ինձ հույս է տալիս, որ ԱԺ-ն չպետք է պատճառ ունենա ինձ կողմ չքվեարկելու. Դավիթ Բալայան. ՏԵՍԱՆՅՈՒԹ
Քաղաքականություն
02.02.2024 | 18:51
Դատավորների ընդհանուր ժողովի քվեարկության արդյունքներով այսօր դատավոր Դավիթ Բալայանն ընտրվեց Սահմանադրական դատարանի դատավորի թեկնածու: Այժմ ընտրության հերթը Ազգային ժողովինն է, և եթե այս մարմնում ևս Բալայանին կողմ քվեարկեն, նա կդառնա Սահմանադրական դատարանի դատավոր:
Մեր հարցին` ըստ Բալայանի` ԱԺ-ն իրեն կընտրի՞, դատավորն ասաց, որ ինքն արժանացել է դատավորների քվեին և, կարծում է` ԱԺ-ն իրեն չընտրելու պատճառ չունի:
«Պարոն Մարաբյանի ընտրությունն ինձ հույս է տալիս, որ Ազգային ժողովն ինձ չքվեարկելու պատճառ չպետք է ունենա»,- ասաց Դավիթ Բալայանը:
Վերջինիս հայրը` Կիմ Բալայանը, երկար տարիներ Սահմանադրական դատարանի դատավոր է եղել: Մեր հարցին` երբ նա իմացել է որդու` ՍԴ դատավոր դառնալու մտադրության մասին, ինչպե՞ս է արձագանքել, Դավիթ Բալայանը կեսկատակ-կեսլուրջ ասաց` չի առարկել:
Մանրամասները` տեսանյութում
Արաքս Մամուլյան
