24.11.2024 | 10:01
Փակ է «Ամբերդ» կայանից դեպի Քարի լիճ տանող ավտոճանապարհը
Ֆրանսիայի Օ-դը-Ֆրանս ռեգիոնի խորհուրդը աջակցություն է հայտնել Սենատի ընդունած բանաձևին. նիստին մասնակցել է ՀՀ դեսպանը
Քաղաքականություն
02.02.2024 | 15:47
Փետրվարի 1-ին Ֆրանսիայի Օ-դը-Ֆրանս ռեգիոնի խորհուրդի նախագահ Քզավիե Բերտրանի հրավերով Ֆրանսիայում Հայաստանի դեսպան Հասմիկ Տոլմաջյանը և Լեռնային Ղարաբաղի ներկայացուցիչ Հովհաննես Գևորգյանը մասնակցել են Օ-դը-Ֆրանս ռեգիոնի խորհրդի 2024թ․ առաջին լիագումար նիստին: Այս մասին հայտնում են Ֆրանսիայում ՀՀ դեսպանությունից։
Նիստի ընթացքում նախագահ Բերտրանը և խորհրդի անդամները վերահաստատել են իրենց լիակատար համերաշխությունը Հայաստանի և Լեռնային Ղարաբաղի ժողովրդի հետ՝ դատապարտելով Հայաստանի տարածքի նկատմամբ ադրբեջանական ոտնձգությունները և արցախահայության նկատմամբ իրականացված էթնիկ զտումը։
Ռեգիոնի խորհուրդը նաև միաձայն աջակցություն է հայտնել ս․թ․ հունվարի 17-ին Ֆրանսիայի Սենատի ընդունած բանաձևին, որով վերջինս դատապարտում է Ադրբեջանի կողմից Լեռնային Ղարաբաղի վրա իրականացված ռազմական հարձակումը և պահանջում երաշխավորել հայ բնակչության՝ Լեռնային Ղարաբաղ վերադարձի իրավունքի իրացումը։
Ստորև ներկայացնում ենք դեսպան Տոլմաջյանի ելույթը Օ-դը-Ֆրանս ռեգիոնի խորհրդի լիագումար նիստին։
