16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Դատարանի աշխատակիցներն աշխատավարձերը պակաս են ստացել
Հասարակություն
01.02.2024 | 21:10
Factor.am-ին հայտնի է դարձել, որ Երևան քաղաքի ընդհանուր իրավասության քրեական դատարանի աշխատակիցներն այս ամիս շուրջ 15 տոկոսի չափով պակաս են ստացել նախորդ ամսվա՝ հունվարի աշխատավարձերը։
ԲԴԽ աշխատակազմի մամուլի և հասարակայնության հետ կապերի ծառայության պետ Լիլիթ Շաբոյանը Factor.am-ին հայտնեց, որ աշխատավարձերի մնացած մասը կստանան ավելի ուշ։
«Որևէ դատական ծառայողի աշխատավարձ չի նվազել, ընդամենը հատուկ վճարների համահարթեցման պահանջից ելնելով, որը ընթացքի մեջ է, հնարավոր է, որ հատուկ վճարը մի փոքր ավելի ուշ ստանան»,- նշեց Շաբոյանը։
ԲԴԽ մամուլի պաատսխանատուն նաև ընդգծեց, որ համահարթեցման պահանջի իրականացման արդյունքում հատուկ վճարի չափը չի նվազելու, այսինքն՝ դատական համակարգի աշխատակիցները կստանան նույն աշխատավարձը։
