01.05.2026 | 11:43
Եվրախորհրդարանը ցանկանում է ՀՀ-ի ընտրությունները պաշտպանել ռուսական ազդեցությունից․ DW-ի անդրադարձը
Բրյուսելում բողոքի ցույցերին հազարից ավելի տրակտոր է բերվել
Քաղաքականություն
01.02.2024 | 21:49
Բրյուսելի ոստիկանությունը X սոցիալական ցանցում հայտնել է, որ հաշվարկել է հազար տրակտոր, որոնք ժամանել են Բելգիայի մայրաքաղաք՝ մասնակցելու Եվրամիության ընդհանուր գյուղատնտեսական քաղաքականության դեմ լայնածավալ բողոքի ցույցերին։ Բրյուսելում, հիշեցնենք, այսօր ընթանում է ԵՄ արտահերթ գագաթնաժողովը։
«Պաշտոնական հաշվարկով՝ 1300 տրակտոր գտնվում է Բրյուսելում»,- հաղորդում է Metropolitan Police-ը X ցանցում:
Նախօրեին ֆերմերները խմբով սկսել են ժամանել Բելգիայի մայրաքաղաք, նրանցից շատերը գիշերել են Բրյուսելում: Տրակտորիստները քաղաք են մտել կազմակերպված՝ միանգամից մի քանի ուղղություններով՝ ոստիկանների ուղեկցությամբ։ Ակցիային մասնակցում են ինչպես բելգիացի ֆերմերները, այնպես էլ նրանց գործընկերները հարևան եվրոպական երկրներից։ Շատերն ակնկալում են մեկ օրից ավելի անցկացնել Բրյուսելում։
Թեև գագաթնաժողովի օրակարգը չի ներառում եվրոպացի ֆերմերների խնդիրների քննարկումը, այլ կենտրոնացած է Ուկրաինային տրամադրվող օգնության վրա, Բելգիայի վարչապետ Ալեքսանդր դե Կրոուն ասել է, որ կբարձրացնի այդ հարցը:
Նախատեսվում է Եվրահանձնաժողովի ներկայացուցիչների հանդիպումը ֆերմերների պատվիրակության հետ։
