Քաղաքականություն
30.01.2024 | 10:49
Ուկրաինայի գլխավոր շտաբը երեքշաբթի առավոտյան իր զեկույցում հայտարարել է, որ գիշերը ռուսական բանակը 35 կամիկաձե անօդաչու թռչող սարք է արձակել Ուկրաինայում թիրախների ուղղությամբ, որոնցից միայն 15-ն է խոցվել, գրում է BBC-ի ռուսական ծառայությունը։
Թե ինչ են եղել մնացած 20 «շահեդները» ու ինչ հետևանքներ են թողել, երկրի գլխավոր շտաբը չի հայտնել։
Տելեգրամյան ալիքները հայտնել են Խարկովի մարզի Զմիև քաղաքի նավթաբազային հասցված հարվածի մասին։ Կրիվոյ Ռոգի քաղաքապետ Ալեքսանդր Վիլկուլը ԱԹՍ-ի ևս մեկ հարվածի մասին էլ գրել է առավոտյան։ Ըստ նրա՝ անօդաչուն հարվածել է քաղաքացիական ենթակառուցվածքի ինչ-որ օբյեկտի, հրդեհ է բռնկվել։ Բարեբախտաբար, մարդկային զոհերից հաջողվել է խուսափել։
