24.02.2026 | 23:39
Հայաստանի մի շարք հասցեներում էլեկտրաէներգիայի անջատումներ կլինեն
ՆԱՏՕ-ն կոչ է արել նախապատրաստվել Եվրոպայի վրա ռուսական հրթիռային հարձակումներին
Քաղաքականություն
29.01.2024 | 20:15
ՆԱՏՕ-ն կարծում է, որ դաշինքի երկրներն ընդամենը մոտ երեք տարի ունեն ռուսական հնարավոր հարձակմանը նախապատրաստվելու համար։ Գերմանիայի, ԱՄՆ-ի և Նիդերլանդների բարձրաստիճան գեներալների կարծիքով՝ դա կարող է սկսվել կիբերհարձակումներով և հրթիռային հարվածներով Եվրոպայում թիկունքում գտնվող ռազմական և քաղաքացիական թիրախների վրա՝ խափանելու մատակարարման գծերը և խաթարելու պաշտպանական կարողությունները:
Հիմնական թիրախը կարող է լինել Գերմանիան, որտեղով անցնում են զորքերի մատակարարման և առաջնագիծ տեղափոխելու հիմնական ուղիները, գրում է The Times-ը։
Այն օբյեկտները, որոնք կարող են ենթարկվել հարձակման, ներառում են զենքի և զինամթերքի գործարանները, հրամանատարության և կառավարման կենտրոնները, ինչպես նաև էլեկտրակայանները, կամուրջները և երկաթուղիները:
ՆԱՏՕ-ն պետք է հասկանա, որ թիկունքային շրջանները նույնպես կենթարկվեն զանգվածային հարձակման, և կօգտագործվի մահացու ուժերի «ամբողջական սպեկտրը»՝ «ռադիոէլեկտրոնային պայքարի միջոցներով դիվերսիայից և կիբեր հարձակումներից մինչև հրթիռներ, անօդաչու սարքեր և այլն», ասել է հարավ-արևելյան Գերմանիայում ՆԱՏՕ-ի մատակարարման կենտրոնի հրամանատար գեներալ-լեյտենանտ Ալեքսանդր Զոլֆրանկը:
«Ինչո՞ւ պետք է թշնամին մեզ թույլ տա 10 օրում 10 դիվիզիա հավաքել և ստեղծել այնպիսի մարտունակություն, որին նա ստիպված կլինի դիմակայել։ Մենք կարծում ենք, որ նրանք մեզ հետ կպայքարեն բոլոր ճակատներում»,- Բեռլինում կայացած ռազմական համաժողովի ժամանակ իր հերթին ասել է բրիգադային գեներալ Ռոնալդ Ռագինը, որը ղեկավարում է ԱՄՆ բանակի նյութատեխնիկական ապահովումը Եվրոպայում և Աֆրիկայում։
