Հիմա ի՞նչ՝ պետք է գան, ոստիկաններով զոռով մեզ «Գոյ»-ից հանե՞ն. ոչ մի տեղ չե՛նք գնալու. Արթուր Սահակյան․ ՏԵՍԱՆՅՈՒԹ

Լուրեր

21.11.2026 | 12:34
Աբովյանի համայնքային սեփականությանն է վերադարձվել 33 քմ հողատարածք
21.11.2026 | 12:16
NYMEX. Թանկարժեք մետաղների գները նվազել են
21.11.2026 | 11:55
Նարեկ Մկրտչյանը հանդիպել է ԱՄՆ Կոնգրեսի Ներկայացուցիչների պալատի երեք անդամների հետ
21.11.2026 | 11:42
Total Chess. Հայկ Մարտիրոսյանը հաղթել է վերջին խաղային օրը
21.11.2026 | 11:33
Նավթի գները նվազել են
21.11.2026 | 11:11
Արտարժույթների փոխարժեքները՝ նոյեմբերի 21-ի դրությամբ
21.11.2026 | 10:50
Նարեկ Մկրտչյանը մասնակցել է Մելանիա Թրամփի վավերագրական շարքի համաշխարհային պրեմիերային
21.11.2026 | 10:25
Ամփոփիչ մրցաշարում հայտնի են կիսաեզրափակիչի զույգերը. ՏԵՍԱՆՅՈՒԹ
21.11.2026 | 10:15
ՀՀ տարածքում ավտոճանապարհները հիմնականում անցանելի են
21.11.2026 | 09:30
Դավիթ Սիմոնյանը հաղթել է նոկաուտով ու մեդալ ապահովել Մ-23 ԵԱ-ում. ՏԵՍԱՆՅՈՒԹ
21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
20.11.2026 | 23:39
Հայաստանը համերաշխություն է հայտնում Վրաստանին այս դժվարին պահին. Փաշինյան
20.11.2026 | 23:13
Հայաստանն ու Ալբանիան քննարկվել են տնտեսական համագործակցության խորացման հեռանկարները
20.11.2026 | 23:00
Լոռու մարզում գազանջատումներ կլինեն
20.11.2026 | 22:47
Թուրքական արտադրության Kizilelma անօդաչու կործանիչն աշխարհում առաջինն է անցել զինվորական ծառայության
Բոլորը

«Մենք համառ ենք մեր անհամաձայնության, մեր գործողությունների մեջ: Ոչ մի տեղ չենք գնալու, Սունդուկյան թատրոնին միանալու միտք էլ չունենք: Եթե ձգտում ունենայինք, վաղուց այդ թատրոնի ծառայողները կլինեինք: Հիմա ի՞նչ՝ պետք է գան, ոստիկաններով զոռով մեզ այստեղից հանե՞ն, ուրեմն ստացվեց, որ թատրոնը փակում են, ոչ թե միավորում»,- Factor TV-ի հետ զրույցում նշում է «Գոյ» թատրոնի գեղարվեստական ղեկավար, ռեժիսոր Արթուր Սահակյանը՝ անդրադառնալով «Գոյ»-ը Սունդուկյան թատրոնին միավորելու՝ Կառավարության որոշմանը:

Նա անդրադառնում է նաև նորանշանակ տնօրենին, որին դեմ է արտահայտվել թատրոնի խորհուրդը։

«Մեր նախկին տնօրենին անօրինական կերպով, առանց նախազգուշացնելու աշխատանքից հանեցին, մի քանի ժամից նոր տնօրեն նշանակեցին՝ մի թամադայի։ Թե ասա՝ ինչո՞ւ ես մտել այս պատմության մեջ: Նա սկզբում մեզ երդվեց, որ չի ստորագրի թատրոնների միավորման ներքո, հետո ասաց, որ պետք է ստորագրի: Դրա համար էլ իրեն դեմ ենք»,- ասում է նա:

Արթուր Սահակյանը նշում է, որ «Գոյ»-ին սատարելու հետ կապված իր ակնկալիքները թատերական համայնքից ավելի մեծ էին. «Աջակցությունը, որ ստացանք համայնքից, բավարար չէր, ես ավելի ակտիվ կլինեի: Համայնքի անդամներին եմ դիմում՝ երբ ձեզ պաշտպանելու խնդիր լինի, ես կպաշտպանեմ: Օրինակ՝ Նիկոլայ Ծատուրյանի հայացքները չեմ կիսում, բայց երբ արդարադատության փոխնախարարն ասում է՝ ով է նրան ճանաչում, որ կոչում են տվել, ես պաշտպանում եմ Ծատուրյանին, որն արժանավոր բեմադրիչ է»:

Հարցին, թե Հայաստանն այսօր ամենաշատն ինչպիսի՞ ներկայացումների կարիք ունի, ռեժիսորը պատասխանում է. «Հիմա մենք «Գոյ»-ում Նժդեհ, Չարենց, Թումանյան, Նարեկացի ենք բեմադրում, քանի որ ես հանդիսատեսին աղոթք տալու, սփոփելու կարիք եմ տեսնում, ոչ թե «խնդացնելու»: Եթե թողնեն, հանրությունն ուժ կգտնի, կարթնանա և իրականությունը կշտկի»:

Քանի որ Արթուր Սահակյանը մշտապես եղել է այն մտավորականներից, որոնք անկաշկանդ արտահայտել են իրենց տեսակետն այս կամ այն հարցի շուրջ, նա նկատում է՝ նաև այդ է պատճառը, որ այսօր թե՛ ինքը, թե՛ թատրոնը կանգնած են փաստի առաջ։

«Փոխում եմ հրաժարականի իմ թուղթը թատրոնը փակելու՝ Կառավարության որոշման հետ, պատրաստ եմ չաշխատել «Գոյ»-ում, միայն թե թատրոնը մնա, եթե իմ անձն է խնդիրը: Ամեն դեպքում, «Գոյ»-ը կգնա մինչև վերջ: Եթե նախանցած տարի իսկապես համապատասխան ինտենսիվությամբ չենք աշխատել, ապա այս տարի մենք տոմսերն իրացնելու խնդիր չունենք, այդ խնդիրն էլ է շտկվել, հիմա՞ ինչ են ուզում»,- հավելում է նա:

Մանրամասները՝ տեսանյութում:

Աննա Բաբաջանյան