07.10.2026 | 14:11
Վենսը հայտարարել է, որ պատերազմին վերջ տալու համար Իրանը պետք է կրճատի ուրանի հարստացումը
Ավելի քան 8000 ուկրաինացի գերության մեջ է Ռուսաստանում․ Կիև
Քաղաքականություն
25.01.2024 | 17:00
Առնվազն 8000 ուկրաինացի, այդ թվում՝ խաղաղ բնակիչներ, դեռևս գտնվում են Ռուսաստանի Դաշնությունում գերության մեջ, ասել է Ռազմագերիների հետ վերաբերմունքի համակարգող շտաբի ներկայացուցիչ Յուրի Տարանյուկը Մարդու իրավունքների, գենդերային հավասարության և բազմազանության հարցերով խորհրդի նիստում։ Նրա խոսքով՝ ռուսական ագրեսիայի ընթացքում Մոսկվայի հետ համաձայնեցվել և իրականացվել է 49 փոխանակում, փոխանցում է DW-ի ռուսական ծառայությունը։
«Համակարգող շտաբի նպատակն է ռուսական գերությունից յուրաքանչյուր մարդու վերադարձնել Ուկրաինա։ Դա վերաբերում է ինչպես քաղաքացիական անձանց, այնպես էլ ռազմագերիներին։ Ներկայում իրականացվել է 49 փոխանակում, 2828 մարդ վերադարձվել է հայրենիք, որից 2681-ը՝ զինվորականներ, 147 խաղաղ բնակիչ նույնպես վերադարձվել է։ Ավելի քան 8000 մարդ, մեր տեղեկություններով, գերության մեջ է։ Եվ այս թվից ավելի քան 1600 հոգի խաղաղ բնակիչներ են»,- ասել է Յուրի Տարանյուկը։
Նա հավելել է, որ Համակարգող շտաբը շարունակում է տասնյակ հազարավոր այլ ուկրաինացիների որոնումները, որոնք անհետ կորած են։
Միաժամանակ, Տարանյուկը վստահություն է հայտնել, որ անհետ կորածների մեծ մասը ՌԴ-ում գերության մեջ է։
