15.12.2025 | 10:52
Կա հանրային պահանջ՝ տրանսպորտում վերահսկողությունը խստացնելու, 24 հաստիք կավելանա․ Ավինյան. ՏԵՍԱՆՅՈՒԹ
Ավարտվել է «ՄՏՍ Հայաստան»-ի ամբողջական բաժնետոմսերի վաճառքի գործարքը
24.01.2024 | 15:30
Հեռահաղորդակցային ՄՏՍ ընկերությունը (MOEX: MTSS) հայտարարել է իր դուստր ընկերության՝ «ՄՏՍ Հայաստան»-ի (Viva-MTS) բաժնետոմսերի 100%-ը վաճառելու գործարքի ավարտի մասին: Նոր սեփականատերը կիպրական «Ֆեդիլքո գրուպ լիմիթիդ» (Fedilco Group Limited) ընկերությունն է։
«Գործարքը ներառել է նաև «ՄոբիԴրամ» ՓԲԸ-ն՝ հայկական շուկայում ֆինանսական ծառայություններ մատուցող վճարային համակարգը՝ 100%-ով «ՄՏՍ Հայաստան»-ի դուստր ընկերությունը»,- ասվում է ընկերության կայքում տեղադրված հաղորդագրության մեջ:
ՄՏՍ-ի մամուլի ծառայությունից պարզաբանել են, որ ընկերությունը Հայաստանի կարգավորող մարմիններից ստացել է բոլոր անհրաժեշտ կորպորատիվ հաստատումները և թույլտվությունները:
ՀԾԿՀ-ից Factor.am-ին տեղեկացրին, որ գործարքի վերաբերյալ առայժմ ծանուցում չեն ստացել: Ըստ սահմանված կարգի` վաճառքի վերաբերյալ ծանուցումը պետք է ՀԾԿՀ ներկայացվի 2 շաբաթվա ընթացքում:
