24.06.2026 | 20:24
Անկարայում ՆԱՏՕ-ի գագաթնաժողովից առաջ ԻԼԻՊ-ի հետ կապված կասկածյալ է սպանվել
ԱՄՆ-ը հարվածներ է հասցրել Իրաքում իրանցի զինյալներին
Քաղաքականություն
24.01.2024 | 11:43
Պենտագոնի ղեկավար Լլոյդ Օսթինը հայտարարել է, որ ԱՄՆ զինվորականները հարվածել են Իրաքում իրանցի զինյալների կողմից օգտագործվող օբյեկտներին՝ ի պատասխան Իրաքում և Սիրիայում ամերիկյան զորքերի վրա հարձակումների, գրում է VOA-ն։
«ԱՄՆ ուժերը անհրաժեշտ և համաչափ հարվածներ են հասցրել երեք օբյեկտների, որոնք օգտագործվում են իրանական «Քաթայբ Հեզբոլլահ»-ի և Իրանի հետ կապված այլ խմբավորումների կողմից Իրաքում», – ասել է Օսթինը:
«Այս թիրախային հարվածներն ուղղակի պատասխան են Իրաքում և Սիրիայում ԱՄՆ-ի և կոալիցիոն ուժերի դեմ Իրանի կողմից հովանավորվող խմբավորումների սրացող հարձակումների», – ասել է նա՝ նկատի ունենալով «Իսլամական պետություն» ջիհադիստական խմբավորման դեմ միջազգային դաշինքը:
«Ամերիկայի Ձայն»-ի հետ զրույցում Պենտագոնի աղբյուրը հայտնել է, որ հարվածը տեղի է ունեցել անմիջապես այն բանից հետո, երբ իրանցի զինյալները անօդաչու սարքերով հարձակվել են Իրաքի արևմտյան Այն ալ-Ասադ ռազմաբազայի վրա:
Շաբաթ օրը բազան հարձակման է ենթարկվել Իրաքից արձակված բալիստիկ հրթիռների համազարկով։ Թեև հրթիռների մեծ մասը խոցվել է, Պենտագոնի խոսնակ, գեներալ-մայոր Փեթ Ռայդերը ասել է, որ բազային հարվածած մի քանի հրթիռներ գանգուղեղային վնասվածքներ են պատճառել ամերիկացի չորս զինծառայողի:
