Իսրայելը ՀԱՄԱՍ-ին առաջարկել է երկու ամսով դադարեցնել ռազմական գործողությունները

Լուրեր

21.11.2026 | 12:34
Աբովյանի համայնքային սեփականությանն է վերադարձվել 33 քմ հողատարածք
21.11.2026 | 12:16
NYMEX. Թանկարժեք մետաղների գները նվազել են
21.11.2026 | 11:55
Նարեկ Մկրտչյանը հանդիպել է ԱՄՆ Կոնգրեսի Ներկայացուցիչների պալատի երեք անդամների հետ
21.11.2026 | 11:42
Total Chess. Հայկ Մարտիրոսյանը հաղթել է վերջին խաղային օրը
21.11.2026 | 11:33
Նավթի գները նվազել են
21.11.2026 | 11:11
Արտարժույթների փոխարժեքները՝ նոյեմբերի 21-ի դրությամբ
21.11.2026 | 10:50
Նարեկ Մկրտչյանը մասնակցել է Մելանիա Թրամփի վավերագրական շարքի համաշխարհային պրեմիերային
21.11.2026 | 10:25
Ամփոփիչ մրցաշարում հայտնի են կիսաեզրափակիչի զույգերը. ՏԵՍԱՆՅՈՒԹ
21.11.2026 | 10:15
ՀՀ տարածքում ավտոճանապարհները հիմնականում անցանելի են
21.11.2026 | 09:30
Դավիթ Սիմոնյանը հաղթել է նոկաուտով ու մեդալ ապահովել Մ-23 ԵԱ-ում. ՏԵՍԱՆՅՈՒԹ
21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
20.11.2026 | 23:39
Հայաստանը համերաշխություն է հայտնում Վրաստանին այս դժվարին պահին. Փաշինյան
20.11.2026 | 23:13
Հայաստանն ու Ալբանիան քննարկվել են տնտեսական համագործակցության խորացման հեռանկարները
20.11.2026 | 23:00
Լոռու մարզում գազանջատումներ կլինեն
20.11.2026 | 22:47
Թուրքական արտադրության Kizilelma անօդաչու կործանիչն աշխարհում առաջինն է անցել զինվորական ծառայության
Բոլորը

Իսրայելը ՀԱՄԱՍ խմբավորմանն առաջարկել է երկու ամսով դադարեցնել ռազմական գործողությունները՝ Գազայի հատվածում պահվող բոլոր պատանդներին ազատ արձակելու դիմաց։ Այս մասին հայտնել է Axios-ը՝ վկայակոչելով երկու իսրայելցի պաշտոնյաների, որոնք ցանկացել են անանուն մնալ, գրում է DW-ի ռուսական ծառայությունը։

Նշվում է, որ առաջարկը փոխանցվել է Եգիպտոսի և Կատարի միջնորդների միջոցով։

Axios-ի զրուցակիցները նշել են, որ գործարքը ներառելու է ողջ մնացած պատանդների ազատ արձակում և մահացած պատանդների մարմինների վերադարձ մի քանի փուլով։ Նրանց խոսքով՝ առաջին փուլը ենթադրում է կանանց, 60 տարեկանից բարձր տղամարդկանց և ծանր վիճակում գտնվող պատանդների ազատ արձակում։ Հաջորդ փուլերում պետք է ազատ արձակվեն կին զինվորները, մինչև 60 տարեկան տղամարդ ոչ զինվորները, իսրայելցի տղամարդ զինվորականները և վերադարձվեն զոհված պատանդների մարմինները։

Բացի այդ, առաջարկը ներառում է Իսրայելի Պաշտպանության բանակի վերաբաշխում, մասնավորապես, նրանց ստորաբաժանումների դուրսբերում Գազայի հատվածի հիմնական բնակելի կենտրոններից։ Դա թույլ կտա պաղեստինցի խաղաղ բնակիչներին աստիճանաբար վերադառնալ Գազա քաղաք և հյուսիսային հատվածներ։

Իսրայելի և ՀԱՄԱՍ-ի ներկայացուցիչները դեռևս պետք է համաձայնեցնեն պաղեստինցի բանտարկյալների թվի շուրջ, որոնք ազատ կարձակվեն իսրայելցի պատանդների դիմաց։

Լրատվամիջոցի զրուցակիցների խոսքով՝ այս առաջարկը հստակ ցույց է տալիս, որ Իսրայելը չի ​​համաձայնի դադարեցնել ռազմական գործողություներնը կամ ազատ արձակել բոլոր 6000 պաղեստինցի բանտարկյալներին իսրայելական բանտերից։

Իսրայելի պաշտոնյաները սպասում են ՀԱՄԱՍ-ի պատասխանին, սակայն հավելել են, որ զգուշավոր լավատեսությամբ են նայում առաջիկա օրերին առաջընթացի հասնելուն։

Իսրայելական Ynet-ի տեղեկություններով էլ՝ Իսրայելի առաջարկը ներառում է երկարատև հրադադար և Գազայի հատվածում Իսրայելի պաշտպանության ստորաբաժանումների շարժման ուղիների ժամանակավոր փոփոխություն՝ պատանդներին աստիճանաբար ազատելու դիմաց։

Էմմա Չոբանյան