01.11.2024 | 23:19
Հրդեհ Գյումրու տներից մեկում
Պուտինն ընդունել է Հյուսիսային Կորեայի պատվիրակությանը․ Կրեմլը ներկայացրել է բանակցությունների թեմաները
Քաղաքականություն
17.01.2024 | 15:06
ՌԴ նախագահ Վլադիմիր Պուտինի և Հյուսիսային Կորեայի արտաքին գործերի նախարար Չոյ Սոնգ Հուի՝ Մոսկվայում տեղի ունեցած բանակցությունների հիմնական թեման եղել է երկկողմ հարաբերությունների զարգացումը: ՌԻԱ Նովոստիի փոխանցմամբ՝ այս մասին հայտնել է ՌԴ նախագահի մամուլի քարտուղար Դմիտրի Պեսկովը։
«Քննարկումն ընդհանուր առմամբ վերաբերում էր երկկողմ հարաբերություններին, Կորեական թերակղզում տիրող իրավիճակին, կարծիքների փոխանակմանը ամենահրատապ միջազգային հարցերի շուրջ, սակայն հիմնական շեշտը դրվել է երկկողմ հարաբերությունների զարգացման վրա»,- մանրամասնել է Կրեմլի ներկայացուցիչը։
Նա ընդգծել է, որ Փհենյանը կարևոր գործընկեր է, Մոսկվան նպատակ ունի զարգացնել հարաբերությունները բոլոր ոլորտներում, «այդ թվում՝ զգայուն»։
