23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
Airbus-ը չեղարկել է 100 ինքնաթիռի մատակարարումը Իրանին
Քաղաքականություն
17.01.2024 | 18:32
Airbus-ն իր պատվերների ցանկից հանել է 100 ինքնաթիռ, որոնք պետք է հանձնվեին իրանական Iran Air ավիաընկերությանը։ Այս մասին ասվում է արտադրողի 2023 թվականի հաշվետվության մեջ։
Մատակարարման պայմանագիրը կնքվել է 2016 թվականի վերջին, համաձայնագիրը սառեցվել է ԱՄՆ-ի կողմից Իրանի դեմ պատժամիջոցների վերականգնումից հետո։
Իրանի նկատմամբ որոշ սահմանափակումներ հանվել են 2016 թվականին՝ միջուկային համաձայնագրի շրջանակում։ Դրանից հետո երկիրը պայմանավորվել է Airbus-ի հետ 100 ինքնաթիռի մատակարարման հարցով։ Դրանց թվում են եղել 16 A350-1000, 28 A330-900, 10 A330-200, 32 A320neo, 8 A321 և 6 A320, գրում է FlightGlobal պորտալը։
Ընկերությունը Iran Air-ին մատակարարել է երկու լայն թափքով A330-200 ինքնաթիռ, որոնք ի սկզբանե նախատեսված էին կոլումբիական Avianca ընկերության համար, և մեկ նեղ թափքով A321:
2018 թվականին հաղորդվել է, որ իտալական ինքնաթիռներ արտադրող Leonardo SpA-ն և Airbus SE-ն նոր գնորդներ են փնտրում Իրանի կողմից պատվիրված, բայց դեռ չհանձնված ATR ինքնաթիռի համար, որն արտադրվել է երկու ընկերությունների համատեղ ձեռնարկության կողմից: 18 ATR 72-600 ինքնաթիռի մատակարարման պայմանագիրը կնքվել է 2016 թվականին, դրա արժեքը կազմել է 1 միլիարդ եվրո, Իրանը ստացել է 12 ինքնաթիռ, ևս վեց ինքնաթիռ նրան չեն փոխանցել պատժամիջոցների պատճառով։
Հիշեցնենք, որ այն բանից հետո, երբ 2018 թվականին ԱՄՆ-ը դուրս եկավ միջուկային գործարքից և վերադարձավ Իրանի նկատմամբ պատժամիջոցների քաղաքականությանը, Թեհրանը հրաժարվեց նախկին համաձայնագրերով ստանձնած մի շարք պարտավորություններից։
