01.05.2026 | 13:38
ԱՄՆ դատախազները Թրամփի ուղղությամբ կրակոցներ արձակելու մեջ կասկածվողի նոր տեսանյութ են հրապարակել
ԱՄՆ-ը դատապարտում է Իրանի հարվածները Էրբիլին
Քաղաքականություն
16.01.2024 | 16:21
ԱՄՆ-ը խստորեն դատապարտել է Իրանի հարվածներն Իրաքի Էրբիլին և ցավակցություն հայտնել զոհվածների ընտանիքներին։ VOA-ի փոխանցմամբ՝ այս մասին ասվում է Պետքարտուղարության հայտարարությունում։
«Մենք դեմ ենք Իրանի անխոհեմ հրթիռային հարձակումներին, որոնք խաթարում են Իրաքի կայունությունը: Մենք աջակցում ենք Իրաքի կառավարության և Քուրդիստանի տարածաշրջանային կառավարության ջանքերին՝ ուղղված իրաքցի ժողովրդի նկրտումների բավարարմանը»,- ասել է Պետքարտուղարության խոսնակ Մեթյու Միլլերը:
Ավելի վաղ Իրանի Իսլամական հեղափոխության պահապանների կորպուսը հայտնել էր, որ հարվածներ է հասցրել իրաքյան Քուրդիստանի թիրախներին, ինչպես նաև Սիրիայում՝ ԻՊ-ին:
Պայթյուններ են լսվել Քուրդիստանի Էրբիլից մոտ 40 կիլոմետր դեպի հյուսիս-արևելք՝ ԱՄՆ հյուպատոսարանի, ինչպես նաև բնակելի շենքերի մոտ։
