01.05.2026 | 12:08
ԵԽ-ի բանաձևում Արցախի հիշատակման պատճառով Բաքվում ԵՄ դեսպանն Ադրբեջանի ԱԳՆ է կանչվել․ բողոքի նոտա է հանձնվել
Զելենսկին ժամանել է Շվեյցարիա՝ Դավոսի համաժողովին մասնակցելու
Քաղաքականություն
15.01.2024 | 17:56
Ուկրաինայի նախագահ Վլադիմիր Զելենսկին ժամանել է Շվեյցարիա՝ մասնակցելու Դավոսի համաշխարհային տնտեսական համաժողովին, գրում է BBC-ի ռուսական ծառայությունը։
«Աշխատանքային այցով ժամանել եմ Շվեյցարիա։ Ես կհանդիպեմ երկրի ղեկավարների հետ և կմասնակցեմ Դավոսի ֆորումին։ Բեռնում բանակցություններ կվարեմ խորհրդարանի երկու պալատների ղեկավարների, կուսակցությունների, խմբակցությունների ղեկավարների և տիկին նախագահ Վիոլա Ամհերդի հետ»,- գրել է Զելենսկին X սոցիալական ցանցում։
Նա նշել է, որ խոսելու է նաև «առևանգված երեխաների վերադարձի, պատժամիջոցների և ռուսական սառեցված ակտիվների օգտագործման մեխանիզմների որոնման, հումանիտար ականազերծման, ֆինանսական աջակցության և Ուկրաինայի վերականգնման հարցերում համագործակցության մասին»։
Զելենսկին նաև հայտնել է, որ Դավոսում նախատեսում է հանդիպումներ ԵՄ-ի և ՆԱՏՕ-ի ներկայացուցիչների հետ՝ «աջակցելու Կիևի եվրատլանտյան ինտեգրման դինամիկային», ինչպես նաև պետական առաջնորդների և խոշոր բիզնեսի ներկայացուցիչների հետ՝ «ամրապնդելու Ուկրաինայի պաշտպանական և տնտեսական կայունությունը»։
Էմմա Չոբանյան
