24.02.2026 | 23:39
Հայաստանի մի շարք հասցեներում էլեկտրաէներգիայի անջատումներ կլինեն
Մեծ Բրիտանիան չի բացառում նոր հարվածները Եմենում հութիների թիրախներին
Քաղաքականություն
15.01.2024 | 21:44
Մեծ Բրիտանիայի պաշտպանության նախարար Գրանտ Շափսը հայտարարել է, որ Եմենում հութիների թիրախների դեմ հետագա հարվածները կքննարկվեն անհրաժեշտության դեպքում, սակայն կառավարությունը չի նախատեսում ցամաքային գործողություն սկսել տարածաշրջանում:
«Մենք ուշադիր հետևելու ենք, և եթե մեզ անհրաժեշտ լինի հետագա քայլեր ձեռնարկել, ապա կքննարկենք դա: Բայց մեր նպատակն էր շատ հստակ ուղերձ հղել հութիներին, ինչը, կարծում եմ, հաջողությամբ իրականացվեց»,- ասել է նա Sky News-ին:
Բացի այդ, գերատեսչության ղեկավարը նշել է, որ Բրիտանիան կհետևի իրադարձությունների զարգացմանը, սակայն Եմեն ներխուժելու պլաններ կամ լրացուցիչ հարվածների անհրաժեշտություն չկա։
«Մենք չենք պատրաստվում գնալ Եմեն կամ նման այլ բաներ, պարզապես ցանկանում ենք շատ հստակ և միանշանակ ազդանշան ուղարկել Իրանի կողմից աջակցվող հութիներին, որ Կարմիր ծովում նրանց պահվածքը լիովին անընդունելի է»,- ասել է Շափսը:
Նա հավելել է, որ նպատակը հութիների բոլոր հարձակողական հնարավորությունները վերացնելը չէ։
