23.02.2026 | 20:00
Իրանի դեմ ԱՄՆ-ի ռազմական գործողությունների վտանգը մեծ է․ դիվանագիտական գործարքի շանսը նվազ է․ Արմեն Պետրոսյան․ ՏԵՍԱՆՅՈՒԹ
Թուրքիայում հայտնաբերել են անհետացած ռուս զբոսաշրջիկի մարմինը
Քաղաքականություն
12.01.2024 | 17:07
Թուրքիայում հունվարի 12-ին փրկարարները հայտնաբերել են Քեմերում անհետացած ռուս զբոսաշրջիկի՝ 40-ամյա Նադեժդա Յարիգինայի դին։ Այս մասին «Իզվեստիա»-ին հայտնել են Անթալիայում ՌԴ գլխավոր հյուպատոսությունից։
«Զբոսաշրջիկների անցումը լեռան գագաթ ժամանակավորապես արգելված է»,- ասել է փրկարարական ջոկատի ներկայացուցիչը։
Կնոջ մահվան պատճառը կպարզվի հետազոտություններից և քննությունից հետո։
Հիշեցնենք, որ ռուս կինը Թուրքիա էր ժամանել 2023 թվականի դեկտեմբերի 30-ին, իսկ հունվարի 8-ին՝ զբոսաշրջային ուղևորության ավարտին, չէր ներկայացել Մոսկվա չվերթին։ Ըստ Անթալիայում ՌԴ գլխավոր հյուպատոսության՝ նա հունվարի 4-ին դուրս է եկել զբոսնելու և հյուրանոց չի վերադարձել։
Անհետացած ռուս կնոջ ընկերուհին՝ Եվգենյա Շումակովան «Իզվեստիա»-ին ասել էր, որ Նադեժդայի հարազատներն ու ընկերները ենթադրում են, որ կինը գնացել է զբոսանքի լեռներում, որտեղ, հավանաբար, ինչ-որ բան է պատահել նրա հետ, և որ պետք է հենց այնտեղ փնտրել կնոջը։
Էմմա Չոբանյան
