01.11.2024 | 23:19
Հրդեհ Գյումրու տներից մեկում
Մեծ Բրիտանիան օրինական և համաչափ է անվանել Եմենին հարվածները
Քաղաքականություն
12.01.2024 | 17:33
Մեծ Բրիտանիայի զինված ուժերի նախարարը Եմենում հութիների բազաներին գիշերային ավիահարվածներն օրինական և համաչափ է անվանել։
«Իհարկե, միշտ էլ ավելի լայն էսկալացիայի վտանգ կա։ Այդ իսկ պատճառով Մեծ Բրիտանիայի արտաքին գործերի նախարար Դեյվիդ Քեմերոնը և ԱՄՆ պետքարտուղար Էնթոնի Բլինքենը վերջին շաբաթներին այդքան ժամանակ են անցկացրել տարածաշրջանում։ Մեզ համար կարևոր է խոսել Մերձավոր Արևելքում մեր դաշնակիցների և գործընկերների հետ։ Բայց մենք չենք կարող թույլ տալ, որ հութիները խեղդեն համաշխարհային առևտուրը», – հավելել է պաշտոնյան։
Իսրայելի պատերազմը ՀԱՄԱՍ-ի հետ արդեն իսկ առաջացրել է համաշխարհային առևտրի լայնածավալ խափանում:
BBC-ի ռուսական ծառայությունը հիշեցնում է, որ Իրանի կողմից աջակցվող Եմենի հութիները, ելնելով պաղեստինցիների հետ համերաշխությունից, վերջին մի քանի ամիսների ընթացքում հրետակոծում են առևտրային նավերը, ինչի հետևանքով միջազգային խոշորագույն բեռնափոխադրող ընկերությունները դադարեցրել են բեռնարկղերի, նավթի, հեղուկ գազի և այլ ապրանքների փոխադրումը Եվրոպայի և Ասիայի միջև հիմնական առևտրային ճանապարհով՝ Կարմիր ծովով, Սուեզի ջրանցքով և Բաբ էլ-Մանդեբի նեղուցով:
